അടുത്ത ബോളിവുഡ് ചിത്രം അക്ഷയ് കുമാറിനൊപ്പമായിരിക്കുമെന്ന് സംവിധായകന്‍ പ്രിയദര്‍ശന്‍. രംഗ്രേസിന് 8 വര്‍ഷത്തിന് ശേഷം ബോളിവുഡിലൊരുക്കിയ ഹംഗാമ 2 റിലീസിനു തയ്യാറെടുത്തിരിക്കെയാണ് പ്രിയദര്‍ശന്റെ പുതിയ സിനിമയുടെ വെളിപ്പെടുത്തല്‍. അക്ഷയ് കുമാറിനെ വെച്ച്‌ ഒരു സീരിയസ് ചിത്രമാണ് താന്‍ ആലോചിച്ചിരുന്നതെന്നും എന്നാല്‍ പ്രേക്ഷകര്‍ ഒരു കോമഡി ചിത്രമാണ് പ്രതീക്ഷിക്കുന്നതെന്ന് അക്ഷയ് കുമാര്‍ ചൂണ്ടിക്കാട്ടുകയായിരുന്നെന്നും അതിനാൽ ചിത്രം ഒരു കോമിക് ത്രില്ലറായിരിക്കുമെന്നാണ് സൂചന.
2021 സെപ്റ്റംബറില്‍ ചിത്രീകരണം തുടങ്ങാനിരിക്കുന്ന ചിത്രം നിർമ്മിക്കുന്നത്‌ അക്ഷയ് കുമാറായിരിക്കുമെന്നും അദ്ദേഹം കൂട്ടിച്ചേര്‍ത്തു.
പ്രിയദര്‍ശന്‍-അക്ഷയ് കുമാര്‍ കൂട്ടുകെട്ടില്‍ ഒട്ടേറെ വിജയചിത്രങ്ങള്‍ ഒരുങ്ങിയിട്ടുണ്ട്. ഹംഗാമ 2 എന്ന തന്റെ ചിത്രത്തിന്റെ ക്ളൈമാക്സ് ഷൂട്ട്‌ ചെയ്യാനുള്ള തയാറെടുപ്പിലാണ് പ്രിയദര്‍ശന്‍.മലയാളത്തില്‍ മോഹന്‍ലാലിനെ നായകനാക്കി ഒരുക്കിയ മരക്കാര്‍, അറബിക്കടലിന്റെ സിംഹം എന്ന ബിഗ് ബഡ്ജറ്റ് ചിത്രം റിലീസ് കാത്തിരിക്കുകയാണ്.
