‘സൺ ഓഫ് അലിബാബാ നാൽപ്പത്തൊന്നാമൻ’ എന്ന സിനിമയ്ക്ക് ശേഷം നജീബ് അലി സംവിധാനം ചെയ്യുന്ന പുതിയ ചിത്രമായ ‘വംദെെ’ യുടെ ഫസ്റ്റ് ലുക്ക് പോസ്റ്റര്‍ പുറത്തിറങ്ങി. ഫിലിം ഫോർട്ട് പ്രൊഡക്ഷൻസിൻ്റെ ബാനറിൽ നിര്‍മ്മിക്കുന്ന ഹോറർ ഡ്രാമ ചിത്രമാണ് “വംദെെ “. ഒട്ടനവധി ഹിറ്റ് ചിത്രങ്ങളുടെ പ്രൊഡക്ഷൻ കൺട്രൊളറായ ബാദുഷ തൻ്റെ ഫെയ്ബുക്ക്, ഇൻസ്റ്റഗ്രാം പേജിലൂടെയാണ് പോസ്റ്റര്‍ പുറത്തിറക്കിയത്.
സംവിധായകരായ അജയ് വാസുദേവ്, സന്തോഷ് വിശ്വനാഥ് (വൺ), ഒമർ ലുലു എന്നിവരും സിനിമാ താരങ്ങളായ ആൻസൻ പോൾ, നമിതാ പ്രമോദ്, ഹരീഷ് കണാരൻ, ധർമ്മജൻ, ഗിന്നസ് പക്രു, ബിനീഷ് ബാസ്റ്റിൻ, വിനോദ് കോവൂർ, ഷാജു നവോദയ, ബാലാജി ശർമ്മ, ശ്രീജിത്ത് രവി, ജുനൈദ് ശൈഖ്, സംവിധായകന്‍ ടോം ഇമ്മട്ടി തുടങ്ങിയവരും തങ്ങളുടെ ഫേസ് ബുക്ക് പേജിലൂടെ പോസ്റ്റര്‍ പ്രകാശനം നിര്‍വ്വഹിച്ചു.
പ്രാരംഭ പ്രവർത്തനങ്ങൾ ആരംഭിച്ച ഈ ചിത്രത്തിൻ്റെ ഗാനരചന എങ്ങണ്ടിയൂർ ചന്ദ്രശേഖരനാണ് നിര്‍വ്വഹിക്കുന്നത്. സഹസംവിധാനം ഫൈറൂസ് കമറുദ്ധീന്‍, പി ആർ ഒ എ.എസ് ദിനേശ് എന്നിവരാണ്.ഡിസ്ട്രിബൂഷൻ ഹൈഹോപ്സ് ഫിലിം ഫാക്ടറി.
