2020 ജനുവരി 1 മുതല്‍ നവംബര്‍ 15 വരെയുള്ള കാലയളവിലെ വിവരങ്ങളുടെ അടിസ്ഥാനത്തില്‍ ഏറ്റവും കൂടുതല്‍ ട്വീറ്റ് ചെയ്ത ദക്ഷിണേന്ത്യന്‍ പുരുഷ അഭിനേതാക്കളുടെ പട്ടികയാണ് ട്വിറ്റര്‍ ഇന്ത്യ തിങ്കളാഴ്ച പുറത്തുവിട്ടത്. തെലുങ് നായകൻ മഹേഷ് ബാബുവാണ് ഒന്നാം സ്ഥാനത്ത്. അദ്ദേഹത്തിന്റെ ‘സര്‍ക്കാരു വാരി പാറ്റ’ എന്ന ചിത്രവുമായി ബന്ധപ്പെട്ടുള്ള വാർത്ത പലതവണയായി വാർത്തകളിൽ ഇടംപിടിച്ചിരുന്നു .ഈ വര്‍ഷം ഒരു തിയറ്റര്‍ റിലീസ് പോലും ഉണ്ടാകാതിരുന്ന പവൻ കല്യാണാണ് രണ്ടാം സ്‌ഥാനത്തെത്തിയിരിക്കുന്നത് .തമിഴ് സൂപ്പര്‍ താരം തലപതി വിജയ് മൂന്നാം സ്ഥാനത്തും ജൂനിയര്‍ എന്‍‌ടി‌ആര്‍ നാലാം സ്ഥാനത്തുമാണ്. സൂര്യ, അല്ലു അര്‍ജുന്‍, രാം ചരണ്‍, ധനുഷ്, മോഹന്‍ലാല്‍, ചിരഞ്ജീവി എന്നിവരാണ് പിന്നീടുള്ളവര്‍.Surya,
നടിമാരില്‍ കീര്‍ത്തി സുരേഷ് ഒന്നാം സ്ഥാനത്തും കാജല്‍ അഗര്‍വാള്‍, സാമന്ത അക്കിനേനി, രശ്മിക മന്ദന്ന, പൂജ ഹെഗ്‌ഡെ, തപ്‌സി പന്നു, തമന്ന ഭാട്ടിയ, രാകുല്‍ പ്രീത് സിംഗ്, ശ്രുതി ഹാസന്‍, ത്രിഷ കൃഷ്ണന്‍ എന്നിവരാണ് പിന്നീടുള്ള പത്ത് സ്ഥാനത്തുള്ളവര്‍.
