ഹിറ്റ് ചിത്രം ജൂണിന് ശേഷം ജോജുവും അഹമ്മദ് കബീറും വീണ്ടുമൊന്നിക്കുന്ന പുതിയ ചിത്രത്തിന്റെ ടൈറ്റില്‍ പോസ്റ്റര്‍ പുറത്ത്.മധുരം എന്ന പേരിട്ടിരിക്കുന്ന ചിത്രം ‘ജോസഫ്’, ‘പൊറിഞ്ചു മറിയം ജോസ്’, ‘ചോല’ എന്നീ സൂപ്പര്‍ ഹിറ്റ് ചിത്രങ്ങള്‍ക്ക് ശേഷം അപ്പു പാത്തു പപ്പു പ്രൊഡക്ഷന്‍സിന്‍റെ ബാനറിലാണ് നിർമ്മിക്കുന്നത്.എറണാകുളത്തും പരിസരപ്രദേശങ്ങളിലുമായി മധുരത്തിന്റെ ചിത്രീകരണം ആരംഭിക്കും.
ഫോര്‍ട്ട് കൊച്ചി, കോട്ടയം എന്നിവിടങ്ങളാണ് മറ്റു പ്രധാന ലൊക്കേഷനുകള്‍.
നിഖില വിമല്‍, അര്‍ജ്ജുന്‍ അശോകന്‍, ശ്രുതി രാമചന്ദ്രന്‍, ഇന്ദ്രന്‍സ് തുടങ്ങിയവരാണ് മറ്റു പ്രധാന കഥാപാത്രങ്ങളെ അവതരിപ്പിക്കുന്നത്. ആഷിക് അമീര്‍, ഫാഹിം സഫര്‍ എന്നിവര്‍ ചേര്‍ന്നാണ് തിരക്കഥ എഴുതിയിരിക്കുന്നത്. വിനായക് ശശികുമാറിന്‍റെ വരികള്‍ക്ക് ഹിഷാം അബ്‌ദുള്‍ വഹാബ് ആണ് സംഗീതം നല്‍കിയിരിക്കുന്നത്.
