2020 ല്‍ യൂട്യൂബില്‍ നിന്നും ഏറ്റവും കൂടുതല്‍ വരുമാനം സ്വന്തമാക്കിയ യൂ ട്യൂബ് താരങ്ങളുടെ പട്ടിക അമേരിക്കൻ ബിസിന്നസ് മാഗസിനായ ഫോബ്സ് പുറത്തുവിട്ടു. ‘റയാന്‍സ് ടോയ്സ് റിവ്യൂ’ എന്ന യുട്യൂബ് ചാനലിലൂടെ പ്രശസ്തനായ റയാനാണ് യൂട്യൂബില്‍ നിന്നും ആരെയും അതിശയിപ്പിക്കുന്ന വരുമാനം ഉണ്ടാക്കുന്നത്. 2020 ല്‍ റയാന്റെ ചാനല്‍ വ്യൂസ് 1220 കോടിയാണ്. 2015 ല്‍ റയാന്റെ മാതാപിതാക്കള്‍ ആരംഭിച്ച ‘റയന്‍സ് വേള്‍ഡ്’ എന്ന ചാനലിന് നാലു വയസ്സ് മാത്രമേ ഉള്ളൂവെങ്കിലും 41.7 ദശലക്ഷം വരിക്കാരുണ്ട്..
റയാന്‍സ് ടോയ്സ് റിവ്യൂ എന്ന യൂട്യൂബ് ചാനലില്‍ പുതുതായി ഇറങ്ങുന്ന കളിപ്പാട്ടങ്ങളും മറ്റും പരിചയപ്പെടുത്തുകയാണ് ചെയ്യുന്നത്. കളിപ്പാട്ടങ്ങളുടെ ‘അണ്‍ബോക്സിങ്ങാണ്’ പ്രാധാനമായും ചെയ്യുന്നത്.ഒരോ കളിപ്പാട്ടത്തിന്‍റെ എല്ലാ പ്രത്യേകതകളും ഗുണവും ദോഷവും എല്ലാം കുട്ടികള്‍ക്ക് മനസിലാകുന്ന ഭാഷയില്‍ റയാന്‍ പറഞ്ഞു തരുന്നു. ഒട്ടേറെ പ്രേക്ഷകരുള്ള ചാനലിലെ വിഡിയോകളില്‍ റയാന്റെ ഇരട്ടസഹോദരിമാരും രക്ഷിതാക്കളും ചില വീഡിയോകളില്‍ ഭാഗമാകാറുണ്ട്.
