പുതുവര്‍ഷത്തിന്റെ തുടക്കത്തില്‍ തന്നെ ആരാധകരെ ഞെട്ടിച്ചിരിക്കുകയാണ് ബോളിവുഡ് സൂപ്പര്‍സ്റ്റാര്‍ ദീപിക പദുക്കോണ്‍. പുതുവര്‍ഷ തലേന്ന് സോഷ്യല്‍ മീഡിയയിലെ എല്ലാ പോസ്റ്റുകളും ഡിലീറ്റ് ചെയ്തതാണ് ദീപിക പദുക്കോണ്‍ തന്റെ ഫോളോവേഴ്സിനെ ഞെട്ടിച്ചത്.ഇതുവരെയുണ്ടായിരുന്ന എല്ലാ പോസ്റ്റുകളും ഇന്‍സ്റ്റാഗ്രാം, ട്വിറ്റര്‍, ഫേസ്‌ബുക്ക് തുടങ്ങി എല്ലാ പ്ലാറ്റ്‌ഫോമുകളില്‍ നിന്നും നീക്കം ചെയ്തതോടെ ആരാധകരും ആശങ്കയിലായി. താരം പോസ്റ്റുകള്‍ നീക്കാനുണ്ടായ കാരണം വ്യക്തമാക്കിയിട്ടില്ല. ഫേയ്സ്ബുക്കില്‍ പുതിയ പ്രൊഫൈല്‍ ചിത്രം പോസ്റ്റുകള്‍ നീക്കിയതിന് പിന്നാലെ പങ്കുവെച്ചിട്ടുണ്ട്.
നിലവില്‍ ട്വിറ്ററില്‍ താരത്തിനു 27.7 മില്യന്‍ ഫോളോവേഴ്‌സും ഇന്‍സ്റ്റാഗ്രാമില്‍ 52.5 മില്യണ്‍ ഫോളോവേഴ്‌സും ഉണ്ട്. മാത്രവുമല്ല ഇന്‍സ്റ്റാഗ്രാമില്‍ ബ്രാന്‍ഡ് പ്രമോഷനിലൂടെ കോടിക്കണക്കിന് രൂപയുടെ വരുമാനവുമുണ്ടായിരുന്നു. എന്തായാലും ദീപികയുടെ നീക്കം വലിയ ചര്‍ച്ചയായി മാറിയിരിക്കുകയാണിപ്പോള്‍.
നടിയായും മോഡലുമായി എല്ലാം തിളങ്ങുന്ന താരത്തിന്റെ അഭിനയ ജീവിതത്തിന് തുടക്കം കുറിച്ചത് കന്നഡ സിനിമയായ ‘ഐശ്വര്യ’യിലൂടെയാണ്. 2007 ല്‍ ഷാരൂഖ് ഖാന്‍ പ്രധാനവേഷത്തിലെത്തിയ ഓം ശാന്തി ഓമിലൂടെ ബോളിവുഡിലെത്തിയ താരം തുടര്‍ന്ന് നിരവധി സിനിമകളില്‍ ശ്രദ്ധേയമായ വേഷങ്ങളില്‍ തിളങ്ങുകയും ചെയ്‌തു. ബോളിവുഡിലാണ് താരം സജീവമെങ്കിലും തെന്നിന്ത്യയില്‍ താരത്തിന് കൈനിറയെ ആരാധകരുണ്ട്.
