ധനുഷ് നായകനാകുന്ന ചിത്രത്തിന്റെ ടൈറ്റില്‍ പോസ്റ്റര്‍ പുറത്ത് വിട്ടു. ‘നാനേ വരുവേന്‍ ‘എന്ന് പേരിട്ടിരിക്കുന്ന ചിത്രം സംവിധാനം ചെയ്യുന്നത് സെൽവരാഘവനാണ്. യുവൻ ശങ്കർ രാജ സംഗീത സംവിധാനം ചെയ്യുന്ന ചിത്രത്തിൻ്റെ ടൈറ്റിൽ പോസ്റ്റർ സോഷ്യൽ മീഡിയയിലൂടെ ആരാധകർ ആഘോഷമാക്കുകയാണ്. ധനുഷ് ചിത്രം ‘കര്‍ണന്റെ’ നിര്‍മാതാവ് കലൈപുലി തനുവാണ് നിര്‍മാണം.
ചിത്രത്തെ സംബന്ധിച്ച പുത്തൻ വിശേഷങ്ങളൊക്കെ ഉടൻ തന്നെ പ്രേക്ഷകരിലേക്കെത്തുമെന്നാണ് പ്രതീക്ഷ. ചിത്രത്തിലെ നായിക ആരാണെന്നോ വില്ലൻ കഥാപാത്രമുണ്ടോ അതാരാണ് അവതരിപ്പിക്കുക എന്നോ തുടങ്ങിയ വിശേഷങ്ങളൊന്നും അണിയറപ്രവർത്തകർ ഇതുവരെ പുറത്ത് വിട്ടിട്ടില്ല.
ആയിരത്തിൽ ഒരുവൻ എന്ന ഹിറ്റ് ചിത്രത്തിൻ്റെ രണ്ടാം ഭാഗത്തിനായും ധനുഷും സെൽവരാഘവനും ഒന്നിക്കുന്നുണ്ട്. ജഗമേ തന്തിരം എന്ന ചിത്രത്തിൻ്റെ റിലീസിനായുള്ള കാത്തിരിപ്പിലാണ് ധനുഷ് ഇപ്പോൾ. സെൻസേഷണൽ സംവിധായകനായ കാർത്തിക്ക് സുബ്ബരാജാണ് ഈ ചിത്രം സംവിധാനം ചെയ്യുന്നത്. ഐശ്വര്യ ലക്ഷ്മിയാണ് ചിത്രത്തിലെ നായികയായി എത്തുന്നത്.
കൂടാതെ ലോകേഷ് കനകരാജ് സംവിധാനം ചെയ്യുന്ന കർണ്ണനാണ് ധനുഷ് നായകനായി റിലീസിനു കാത്തിരിക്കുന്ന മറ്റൊരു ചിത്രം. കുറച്ച് ആഴ്ചകൾക്ക് മുൻപായിരുന്നു ചിത്രത്തിൻ്റെ ചിത്രീകരണം പൂർത്തിയാക്കിയത്. നെറ്റ്ഫ്ലിക്സ്ൻ്റെ ഏറെ പ്രതീക്ഷയുള്ള പ്രൊജക്ടായ ദി ഗ്രേറ്റ് മെന്നാണ് മറ്റൊരു ചിത്രം.
