ഒരു അഡാറ് ലവിൽ കണ്ണിറുക്കിയെത്തി ആരാധക മനം കവർന്ന താരമാണ് നടി പ്രിയ പ്രകാശ് വാര്യര്‍. മലയാളത്തിന് പുറമെ ബോളിവുഡിലും തമിഴിലും അരങ്ങേറിയ താരം കന്നഡ സിനിമാ ഇൻഡസ്ട്രിയിലും എത്തുകയാണ്.വി കെ പ്രകാശ് കന്നഡയിൽ ശ്രേയസ് മഞ്ജുവിനേയും പ്രിയ പ്രകാശ് വാര്യരേയും നായകനും നായികയുമാക്കി ഒരുക്കുന്ന വിഷ്ണുപ്രിയ എന്ന സിനിമയുടെ ഫസ്റ്റ് ലുക്ക് പങ്കുവെച്ച് പ്രിയ വാര്യര്‍.
ഒരു സമ്പൂർണ്ണ പ്രണയ ചിത്രമായാണ് വിഷ്ണുപ്രിയ ഒരുങ്ങുന്നത്. പ്രമേയം 1990ൽ നടന്നൊരു യഥാർഥ സംഭവത്തെ അധികരിച്ചാണ് ചിത്രം ഒരുക്കിയിട്ടുള്ളത്. സിന്ധു ശ്രീയാണ് സിനിമയുടെ തിരക്കഥ ഒരുക്കിയിരിക്കുന്നത്. ഗോപി സുന്ദറാണ് ഗാനങ്ങള്‍ക്ക് ഈണമിടുന്നത്. ട്രിവാന്‍ഡ്രം ലോഡ്ജിന് ശേഷം ഇറങ്ങുന്ന വി.കെ. പ്രകാശ്-അനൂപ് മേനോന്‍ ചിത്രം ‘ഒരു നാല്പതുകാരന്റെ ഇരുപത്തൊന്നുകാരി’യിലും പ്രിയ വാര്യര്‍ നായികയാണ്.
അരങ്ങേറ്റ ചിത്രത്തിന് ശേഷം പ്രിയാ വാര്യരുടെ സിനിമകള്‍ മലയാളത്തിലുണ്ടായില്ല. ഇതിനിടെ ‘ശ്രീദേവി ബംഗ്ളാവ്’ എന്ന ബോളിവുഡ് ചിത്രത്തില്‍ പ്രിയ വേഷമിട്ടു. അന്തരിച്ച നടി ശ്രീദേവിയുടെ മരണവുമായി സമാനതകളുള്ള രംഗങ്ങളുടെ പേരില്‍ വിവാദമായ ചിത്രം ഇനിയും റിലീസ് ചെയ്തിട്ടില്ല.
