പാര്‍വതി, റോഷന്‍ എന്നിവരെ പ്രധാനതാരങ്ങളാക്കി സിദ്ധാര്‍ത്ഥ് ശിവസംവിധാനം ചെയ്യുന്നചിത്രമാണ് വര്‍ത്തമാനം.ചിത്രം ഫെബ്രുവരി 19ന് പ്രദര്‍ശനത്തിന് എത്തും.സെന്‍സര്‍ ബോര്‍ഡ് ഇടപെടലുകള്‍ക്കും വിവാദങ്ങള്‍ക്കും ഒടുവില്‍ ചിത്രം തിയേറ്ററുകളില്‍ എത്തുകയാണ്. ചിത്രത്തിന്റേത് രാജ്യ വിരുദ്ധ പ്രമേയമാണെന്ന് ആരോപിച്ചാണ് സെന്‍സര്‍ ബോര്‍ഡ് പ്രദര്‍ശനാനുമതി നിഷേധിച്ചിരുന്നത്.
ന്യൂഡല്‍ഹി ക്യാംപസിലെ വിദ്യാര്‍ത്ഥികളുടെ ജീവിതത്തിലൂടെ വര്‍ത്തമാന ഇന്ത്യയുടെ പ്രശ്‌നങ്ങള്‍ ചര്‍ച്ച ചെയ്യുന്ന ചിത്രത്തില്‍ പാര്‍വതി കേന്ദ്രകഥാപാത്രമായ ഫൈസ സൂഫിയ എന്ന ഗവേഷണ വിദ്യാര്‍ത്ഥിയായി എത്തുന്നു.റോഷന്‍ മാത്യു, സിദ്ധീഖ്, നിര്‍മ്മല്‍ പാലാഴി എന്നിവരും വര്‍ത്തമാനത്തില്‍ പ്രധാന വേഷങ്ങളില്‍ എത്തുന്നുണ്ട്.
