ബിജു മേനോനും പാര്‍വ്വതിയും ഷറഫുദ്ദീനും ഒന്നിക്കുന്ന ‘ആര്‍ക്കറിയാം’ എന്ന ചിത്രത്തിന്റെ ടീസര്‍ കമല്‍ഹാസനും ഫഹദ് ഫാസിലും പുറത്തിറക്കി.ചിത്രത്തിന്റെ ഒഫീഷ്യൽ പോസ്റ്ററും ടീസറിനൊപ്പം റിലീസ് ചെയ്തിട്ടുണ്ട്.
പ്രമുഖ ഛായാഗ്രഹകന്‍ സാനു ജോണ്‍ വര്‍ഗീസ് സംവിധാന രംഗത്ത് അരങ്ങേറ്റം കുറിക്കുന്ന ചിത്രമാണ് ആർക്കറിയാം. ആഷിഖ് അബുവിന്റെ ഒപിഎം ഡ്രീം മില്ലും സന്തോഷ് കുരുവിളയുടെ മൂണ്‍ഷോട്ട് എന്റര്‍ടെയിന്‍മെന്റും ചേര്‍ന്നാണ് ചിത്രം നിര്‍മ്മിക്കുന്നത്. മഹേഷ് നാരായണന്‍ എഡിറ്റിംഗ് നിര്‍വ്വഹിക്കുന്ന ചിത്രത്തിന് സനു ജോണ്‍ വര്‍ഗീസും, രാജേഷ് രവിയും അരുണ്‍ ജനാര്‍ദ്ധനും ചേര്‍ന്നാണ് തിരക്കഥ എഴുതിയത്. ജി ശ്രീനിവാസ് റെഡ്ഡിയാണ് ഛായാഗ്രഹണം നിര്‍വ്വഹിച്ചത്.
നേഹ നായരും യെക്‌സാന്‍ ഗാരി പെരേരയും ചേര്‍ന്നാണ് സംഗീതമൊരുക്കുന്നത്. പോസ്റ്റ് പ്രൊഡക്ഷന്‍ പുരോഗമിക്കുന്ന ചിത്രം ഫെബ്രുവരി 26നാണ് തിയ്യേറ്ററുകളിലേക്ക് എത്തുന്നത്. സമീറ സനീഷ് വസ്ത്രാലങ്കാരവും രഞ്ജിത്ത് അമ്ബാടി മേക്കപ്പും ചെയ്തിരിക്കുന്ന സിനിമയുടെ പ്രൊഡക്ഷന്‍ ഡിസൈനര്‍ രതീഷ് ബാലകൃഷ്ണന്‍ പൊതുവാള്‍ ആണ്.
