തമിഴ് താരം ചിമ്പുവിന്റെ നായികയായി കല്യാണി പ്രിയദര്‍ശൻ എത്തുന്ന ചിത്രം ‘മാനാടി’ന്റെ ടീസര്‍ പുറത്തുവിട്ടു. വെങ്കട് പ്രഭു സംവിധാനം ചെയ്യുന്ന ചിത്രത്തിൽ എസ് ജെ സൂര്യയും പ്രധാന വേഷത്തിലെത്തുന്നുണ്ട്.
യുവൻ ശങ്കര്‍ രാജയാണ് ചിത്രത്തിന്റെ സംഗീത സംവിധായകൻ. എസ് എ ചന്ദ്രശേഖര്‍, പ്രേംജി അമരൻ, രവികാന്ത് തുടങ്ങിയവരാണ് മറ്റു കഥാപാത്രങ്ങളെ അവതരിപ്പിക്കുന്നത്.
പൊളിറ്റിക്കല്‍ ത്രില്ലറായി എത്തുന്ന ചിത്രം റീവൈൻഡ് എന്ന പേരിൽ മലയാളത്തിലും റിലീസ് ചെയ്യുന്നുണ്ട്. വെങ്കട് പ്രഭു തന്നെയാണ് ചിത്രത്തിന്റെ തിരക്കഥയും എഴുതുന്നത്. പ്രവീണ്‍ കെ എല്‍ ആണ് ചിത്രത്തിന്റെ എഡിറ്റര്‍. ചിമ്പുവും വെങ്കട് പ്രഭുവും ആദ്യമായി ഒരുമിക്കുന്ന ചിത്രമാണിത്.
