‘തുനൈവൻ’ എന്ന ചെറുകഥയെ ആസ്പദമാക്കി വെട്രിമാരൻ ഒരുക്കുന്ന ചിത്രത്തിൽ വിജയ് സേതുപതി അതിഥി വേഷത്തിലെത്തുന്നു.വളരെ പ്രധാനപ്പെട്ട വേഷത്തിലായിരിക്കും വിജയ് സേതുപതി അഭിനയിക്കുക എന്നാണ് അണിയറപ്രവർത്തകർ പുറത്തുവിടുന്ന വിവരം. നേരത്തെ വടചെന്നൈ എന്ന ചിത്രത്തിനായി വെട്രിമാരൻ വിജയ് സേതുപതിയെ സമീപിച്ചിരുന്നു. എന്നാൽ ഡേറ്റ് ക്ലാഷ് മൂലം താരം വേഷം നിരസിക്കുകയായിരുന്നു.
ഇളയരാജയാണ് വെട്രിമാരന്‍ ചിത്രത്തിന് സംഗീതം ഒരുക്കുന്നത്.വെട്രിമാരൻ തന്നെ നിർമ്മിക്കുന്ന ചിത്രത്തിന്റെ ഷൂട്ടിംഗ് ഡിസംബറിൽ സത്യമംഗലം കാടുകളിൽ ആരംഭിച്ചിരുന്നു. സംവിധായകൻ ഭാരതീരാജും ചിത്രത്തിൽ ഒരു പ്രധാന വേഷത്തിലെത്തുന്നു. ചിത്രത്തെക്കുറിച്ചുളള മറ്റുവിവരങ്ങളൊന്നും പുറത്തുവിട്ടിട്ടില്ല.
വെട്രിമാരൻ സൂര്യയുമായും ഒരു ചിത്രം ഒരുങ്ങുന്നുണ്ട്. ‘വാടിവാസൽ’ എന്നു പേരിട്ടിരിക്കുന്ന ചിത്രം സൂരി ചിത്രത്തിനു ശേഷം ആരംഭിക്കും. വാടിവാസലിനായി സൂര്യ വ്യത്യസ്തമായ ഗെറ്റപ്പിലായിരിക്കുമെത്തുക.
