കുറഞ്ഞ നാളുകള്‍ക്കൊണ്ടുതന്നെ മികച്ച പ്രേക്ഷക സ്വീകാര്യത നേടിയ റോഷന്‍ മാത്യുവിന്റെ രണ്ടാമത്തെ ബോളിവുഡ് ചിത്രവും ഒരുങ്ങുന്നു. അനുരാഗ് കശ്യപ് സംവിധാനം നിര്‍വഹിച്ച ചോക്ക്ഡ് എന്ന ചിത്രത്തിലൂടെയായിരുന്നു റോഷന്‍ മാത്യു ബോളിവുഡിലേക്ക് അരങ്ങേറിയത്. ഡാര്‍ലിംഗ്‌സ് എന്ന് പേരിട്ടിരിക്കുന്ന ചിത്രം നിർമിക്കുന്നത് ഷാരൂഖ് ഖാനാണ്.
ആലിയ ഭട്ട് നായിക വേഷത്തിലെത്തുന്ന ‘ഡാര്‍ലിംഗ്‌സ്’ സംവിധാനം ചെയ്യുന്നത് ജസ്മീത് കെ റീനാണ്. റെഡ് ചില്ലീസ് എന്റര്‍ടെയ്ന്‍മെന്റ്‌സിന്റെ ബാനറില്‍ നിർമിക്കുന്ന ചിത്രത്തിൽ ആലിയ ഭട്ടിനും റോഷൻ മാത്യുവിനും പുറമെ ഷഫാലി ഷായും വിജയ് വര്‍മ്മയും ചിത്രത്തിൽ പ്രധാന കഥാപാത്രങ്ങളെ അവതരിപ്പിക്കുന്നു.
