പ്രശസ്ത സംവിധായകൻ ടി.കെ രാജീവ് കുമാറിന്റെ പുതിയ ചിത്രത്തിൽ ഷെയിൻ നിഗം നായകനാകുന്നു. 24 ഫ്രെയിംസിൻ്റെ ബാനറിൽ സൂരജ് സി.കെ, ബിജു സി.ജെ, ബാദുഷ എൻ.എം എന്നിവർ ചേർന്ന് ചിത്രം നിർമ്മിക്കും. കൃഷ്ണദാസ് പങ്കിയുടെ രചനയിൽ എത്തുന്ന ചിത്രത്തിൻ്റെ പേര് പുറത്ത് വിട്ടിട്ടില്ല. സുദീപ് ഇളമണ്‍ ഛായാഗ്രണം നിര്‍വ്വഹിക്കുന്ന ചിത്രത്തിന്റെ എഡിറ്റര്‍ ശ്രീകര്‍ പ്രസാദാണ്.
പ്രൊഡക്ഷന്‍ ഡിസൈനര്‍ രാജീവ് കോവിലകം , സംഗീതം രമേശ് നാരായണ്‍, ഗാനങ്ങള്‍ വിനായക് ശശികുമാര്‍, ബീയാര്‍ പ്രസാദ് , സൗണ്ട് ഡിസൈനര്‍, അജിത് ഏബ്രഹാം, വിഷ്വല്‍ ഡിസൈനര്‍ : മുഹമ്മദ് റാസി, കോസ്റ്റും ഡിസൈനര്‍ : സമീറ സനീഷ്, മേക്കപ്പ് : അമല്‍, പ്രൊഡക്ഷന്‍ കണ്ടോളര്‍: പ്രതാപന്‍ കല്ലിയൂര്‍ എന്നിവരാണ് മറ്റ് അണിയറ പ്രവര്‍ത്തകര്‍.
2019ല്‍ പുറത്തിറങ്ങിയ വലിയ പെരുന്നാളാണ് അവസാനമായി പുറത്തിറങ്ങിയ ഷെയിന്‍ നിഗം ചിത്രം.
