മലയാള ചിത്രം ‘ഇഷ്‌കി’ന്റെ തെലുങ്ക് റീമേക് ട്രെയിലര്‍ പുറത്തിറങ്ങി. ഇഷ്ക് എന്നു തന്നെയാണ് ചിത്രത്തിന് പേരിട്ടിരിക്കുന്നത്. ഷെയ്ന്‍ നിഗത്തിന്റെ കഥാപാത്രത്തെ തേജ സജ്ജയാണ് അവതരിപ്പിക്കുന്നത്. ആന്‍ ശീതള്‍ അവതരിപ്പിച്ച നായികാ കഥാപാത്രമായി പ്രിയാ വാരിയര്‍ ആണ് എത്തുന്നത്.
പ്രണയവും ഒപ്പം സാമൂഹിക പ്രസക്തിയുള്ളൊരു വിഷയവും ചർച്ച ചെയ്ത സിനിമയായിരുന്നു 2019ൽ പുറത്തിറങ്ങിയ നുരാജ് മനോഹർ സംവിധാനം ചെയ്ത ‘ഇഷ്ക്’.ഷെയ്ൻ നിഗം നായകനായും ആൻ ശീതള്‍ നായികയായും എത്തിയ ചിത്രം ഏറെ പ്രേക്ഷക നിരൂപക പ്രശംസ നേടിയിരുന്നു.
മേഘ സൂപ്പര്‍ഗുഡ് ഫിലിംസിന്‍റെ ബാനറിൽ എൻ വി പ്രസാദ്, പരസ് ജെയ്ൻ, വകട അഞ്ജൻ കുമാർ എന്നിവർ ചേര്‍ന്നാണ് സിനിമയുടെ നിര്‍മ്മാണം. മഹതി സ്വര സാഗർ ആണ് സംഗീത സംവിധാനം. സാം കെ നായിഡു ഛായാഗ്രഹണവും എ വരപ്രസാദ് എഡിറ്റിങ്ങും നിർ‍വ്വഹിച്ചിരിക്കുന്നു.
