ബോളിവുഡ് സിനിമയില്‍ തിളങ്ങിനിന്ന താരമാണ് ഹേമ മാലിനി. രാഷ്ട്രീയത്തിലും സിനിമയിലും സജീവമായി മുന്നോട്ടുപോകുന്ന താരം ‘സപ്‌നോം കി സൗദാഗര്‍ എന്ന സിനിമയില്‍ രാജ് കപൂറിനൊപ്പം അഭിനയിക്കുന്നതിനും മുന്‍പ് ചെയ്ത ഒരു ഫോട്ടോഷൂട്ടിന്റെ ചിത്രമാണിത്.
‘ എന്റെ ഈ ചിത്രത്തിനായി വര്‍ഷങ്ങളോളമാണ് ഞാന്‍ അന്വേഷിച്ച്‌ നടന്നത്. തമിഴ് മാഗസീനിന് വേണ്ടിയുള്ള ഫോട്ടോഷൂട്ടാണ് ഇത്. മാഗസീനിന്റെ പേര് ഓര്‍മയില്ല. എന്നാല്‍ എവിഎം സ്റ്റുഡിയോയിലാണ് ഇത് ഷൂട്ട് ചെയ്തതെന്ന് അറിയാം. രാജ് കപൂര്‍ സാബിനൊപ്പം സപ്‌നോന്‍ കാ സൗദാഗറിലൂടെ ഹിന്ദിയില്‍ അരങ്ങേറ്റം കുറിക്കുന്നതിന് മുന്‍പായിരുന്നു. അന്ന് 14ഓ 15ഓ വയസായിരുന്നു എനിക്ക്. എന്റെ ജീവചരിത്രം ബിയോണ്ട് ദി ഡ്രീംഗേളില്‍ ഇത് ഉള്‍പ്പെടുത്തണമെന്ന് ആഗ്രഹിച്ചികുന്നു. എന്നാല്‍ ദുഃഖകരമെന്ന് പറയട്ടെ അന്ന് കണ്ടെത്താനായില്ല. അവസാനം ഇത് കണ്ടെത്താന്‍ സാധിച്ചതില്‍ സന്തോഷമുണ്ട്’ ‘. – ഹേമ മാലിനി ചിത്രത്തിനൊപ്പം കുറിച്ചു.
