ആഗോള സ്ട്രീമിംഗ് പ്ലാറ്റ്‌ഫോമായ നെറ്റ്ഫ്‌ളിക്‌സ് വമ്ബന്‍ ഓഫറുമായി രംഗത്ത്. നെറ്റ്ഫ്‌ളിക്‌സിന്റെ വരിക്കാരല്ലാത്ത ഇന്ത്യക്കാര്‍ക്കും സൗജന്യ സേവനം ലഭിക്കുമെന്നാണ് കമ്ബനിയുടെ പ്രഖ്യാപനം. ഇന്ത്യയില്‍ കൂടുതല്‍ വരിക്കാരെ ആകര്‍ഷിക്കുന്നതിന് വേണ്ടിയാണ് ഏറ്റവും അധികം വരിക്കാരുണ്ടെന്ന് അവകാശപ്പെടുന്ന ഒടിടി പ്ലാറ്റ്‌ഫോമിന്റെ ഈ നീക്കം. ഈ ദിവസങ്ങളില്‍ വരിക്കാരല്ലാത്തവര്‍ക്ക് തങ്ങളുടെ ഇഷ്ടത്തിന് വെബ്‌സിരീസുകളോ ടിവി ഷോയോ സൗജന്യമായി കാണാന്‍ സാധിക്കും. ഡിസംബര്‍ അഞ്ച്, ആറ് തീയതികളിലാകും ഓഫര്‍ ലഭിക്കുക.
നെറ്റ്ഫ്ലിക്സ് ലഭ്യമാകാന്‍ ആപ്പ് ഡൗണ്‍ലോഡ് ചെയ്യുകയോ വെബ്സൈറ്റ് സന്ദര്‍ശിക്കുകയോ ചെയ്താല്‍ മതി. സൈന്‍ അപ്പ് ചെയ്തു കഴിഞ്ഞാല്‍ പലവിധ പ്ലാനുകള്‍ ഉപയോക്താക്കള്‍ക്ക് ലഭ്യമാണ്. 199, 399, 649, 799 എന്നിങ്ങനെയാണ് നെറ്റ്ഫ്ലിക്‌സിന്റെ നിലവിലെ പ്ലാന്‍കള്‍. ഡെബിറ്റ് കാര്‍ഡോ ക്രെഡിറ്റ് കാര്‍ഡോ ഉപയോഗിച്ച്‌ പേയ്‌മെന്റ് നടത്താം. ഒരു മാസത്തെ ഉപയോഗത്തിന് ശേഷം പ്ലാന്‍ തുടരുകയോ റദ്ദാക്കുകയോ ചെയ്യാം. ഈ പ്ലാന്‍ സ്മാര്‍ട്ട്ഫോണുകളിലും ടാബ്‌ലെറ്റുകളിലും പ്രവര്‍ത്തനക്ഷമമാണ്.
