ബോളിവുഡ് താരം ആമിർ ഖാന്റെ മകൻ ജുനൈദ് ആമിർ ഖാൻ ബോളിവുഡിലേക്ക്.ജുനൈദ് ആമിർ ഖാന്റെ ബോളിവുഡ് അരങ്ങേറ്റത്തെ കുറിച്ച് നേരത്തേ മുതൽ വാർത്തകളുണ്ടെങ്കിലും ഇതുവരെ ഔദ്യോഗിക പ്രഖ്യാപനം ഉണ്ടായിരുന്നില്ല.യഷ് രാജ് ഫിലിംസിന്റെ ചിത്രത്തിലൂടെയാണ് ജുനൈദ് ഖാൻ ബോളിവുഡിലേക്ക് അരങ്ങേറുന്നത്.
റാണി മുഖർജിയെ പ്രധാന വേഷത്തിൽ എത്തിച്ച ഹിച്ച്കിയുടെ സംവിധായകൻ സിദ്ധാർത്ഥ് പി മൽഹോത്ര സംവിധാനം ചെയ്യുന്ന ചിത്രത്തിലൂടെയാണ് ജുനൈദിന്റെ അരങ്ങേറ്റം. ബിഗ് ബജറ്റിൽ ഒരുക്കുന്ന ചരിത്ര സിനിമയായിരിക്കും എന്നാണ് റിപ്പോർട്ടുകൾ.
ബണ്ടി ഔർ ബബ്ലി 2 വിലൂടെ അരങ്ങേറ്റം കുറിക്കുന്ന ഷർവാരി വാഗ് ആയിരിക്കും നായികയായി എത്തുക. പതാൽ ലോക് വെബ് സീരീസിലൂടെ ശ്രദ്ധേയനായ ജയ്ദീപ് അലാവത് ചിത്രത്തിൽ പ്രധാന വേഷത്തിലെത്തുമെന്നും സ്ഥിരീകരിക്കാത്ത റിപ്പോർട്ടുകളുണ്ട്.
