ലോകമെമ്പാടും ആരാധകർ ഉള്ള താരമാണ് അഭിഷേക് ബച്ചൻ. എങ്കിൽ പോലും താരത്തിന് വിമർശകരുടെ എണ്ണവും വളരെ കൂടുതൽ ആണ്. എന്നാൽ ആരാധകരെയും വിമര്ശകരെയും ഒരേ പോലെ അമ്പരപ്പിച്ച് കൊണ്ട് അഭിഷേകിന്റെ പുതിയ ചിത്രം പുറത്ത് വന്നിരിക്കുകയാണ്. ചിത്രത്തിലെ അഭിഷേകിന്റെ മേക്കോവർ കണ്ട ആരാധകരുടെ അമ്പരപ്പ് ഇത് വരെ മാറി ഇല്ല എന്ന് തന്നെ പറയാം. ആദ്യ നോട്ടത്തിൽ അഭിഷേക് ആണെന്ന് തിരിച്ചറിയാനാകാത്ത വിധമുള്ള മേക്കോവർ ആണ് താരം നടത്തിയിരിക്കുന്നത്.
ഷൂട്ടിങ് പുരോഗമിക്കുന്ന ബോബ് വിശ്വാസിലെ താരത്തിന്റെ ഗെറ്റപ്പാണ് സമൂഹ മാധ്യമങ്ങളില്‍ വൈറലാകുന്നത്.നീട്ടി വെട്ടിയിറക്കിയ മുടിയും ക്ലീന്‍ ഷേവും കണ്ണടയുമാണ് അഭിഷേകിനെ അടിമുടി മാറ്റിയത്.കൊല്‍ക്കത്തയില്‍ ഷൂട്ടിങ് നടക്കുന്ന ചിത്രം സംവിധാനം ചെയ്യുന്നത് ദിയ അന്നപൂര്‍ണഘോഷാണ്. ഷാരൂഖിന്റെ റെഡ് ചില്ലി എന്റര്‍ടെയ്ന്‍മെന്റാണ് നിര്‍മാതാക്കള്‍.
ലുഡോ ആണ് അഭിഷേകിന്റെതായി ഒടുവില്‍ റിലീസ് ചെയ്ത ചിത്രം. നെറ്റ്ഫ്‌ളിക്‌സിലാണ് ചിത്രം റിലീസ് ചെയ്തത്. ദ ബിഗ് ബുള്‍ എന്ന ബയോഗ്രാഫിക്കല്‍ ക്രൈം ത്രില്ലര്‍ ആണ് താരത്തിന്റെതായി ഒരുങ്ങുന്ന മറ്റൊരു ചിത്രം.
