സംവിധായകൻ സത്യൻ അന്തിക്കാടിന്റെ മകൻ അഖിൽ സത്യൻ കഥയും തിരക്കഥയും നിര്‍വഹിക്കുന്ന ഫഹദ് ഫാസില്‍ ചിത്രത്തിന് പാച്ചുവും അത്ഭുത വിളക്കും എന്നു പേരിട്ടു. ജയലളിതയുടെ കഥ പറഞ്ഞ ക്വീന്‍ തമിഴ് സീരിസില്‍ അഭിനയിച്ചഅഞ്ജന ജയപ്രകാശാണ് ഫഹദിന്റെ നായിക.പുതുമുഖങ്ങളായ വിജി വെങ്കിടേഷ്, ധ്വനി രാജേഷ് എന്നിവരാണ് മറ്റു പ്രധാന വേഷങ്ങള്‍ ചെയ്യുന്നത്.
ഇരട്ട സഹോദരനായ അനൂപ് സത്യന്റെ വരനെ ആവശ്യമുണ്ട് എന്ന ചിത്രം ഒരുക്കിയത്. അഖില്‍ സത്യന്റെ ആദ്യ ചിത്രമായ പാച്ചുവും അദ്ഭുത വിളക്കും ഫാമിലി ഫാന്റസി എന്റര്‍ടെയ് നറാണ്. ഫുള്‍മൂണ്‍ സിനിമാസിന്റെ ബാനറില്‍ സേതു മണ്ണാര്‍ക്കാടാണ് ചിത്രം നിര്‍മിക്കുന്നത്. ലോക് ഡൗണിന് മുന്‍പ് ആദ്യഘട്ട ചിത്രീകരണം പൂര്‍ത്തിയായ സിനിമയുടെ അടുത്ത ഷെഡ്യൂള്‍ ഏപ്രിലില്‍ ഗോവയിലും മുംബയ് യിലും ഹൈദരാബാദിലും എറണാകുളത്തുമായി നടക്കും. ശരണ്‍ വേലായുധം ഛായാഗ്രഹണം നിര്‍വഹിക്കുന്നു.തമിഴ് സംഗീത സംവിധായകന്‍ ജസ്റ്റിന്‍ പ്രഭാകര്‍ സംഗീതം ഒരുക്കുന്ന ആദ്യ മലയാള ചിത്രമാണിത്.
