‘യുവ’ത്തിനു ശേഷം അമിത് ചക്കാലക്കൽ നായകനാവുന്ന പുതിയ സിനിമയുടെ ഒഫീഷ്യൽ ടൈറ്റിൽ പോസ്റ്റർ വിജയ് സേതുപതി തന്‍റെ ഫെയ്സ്ബുക്ക് പേജിലൂടെ റിലീസ് ചെയ്തു. നവാഗതനായ അജിത്ത് തോമസ് ആണ് ചിത്രം സംവിധാനം ചെയ്യുന്നത്.
മിസ്-എന്‍-സീന്‍ എന്റര്‍ടൈന്‍മെന്റ്‌സിന്റെയും റെട്ട്‌കോണ്‍ സിനിമാസിന്റെയും ബാനറില്‍ ഇഷാ പറ്റാലി, തുഷാര്‍ എസ്, അജിത് തോമസ് എന്നിവര്‍ ചേര്‍ന്നാണ് ചിത്രം നിര്‍മ്മിക്കുന്നത്. കൈദി ഫെയിം ബേബി മോണിക്ക ചിത്രത്തില്‍ ഒരു പ്രധാന കഥാപാത്രത്തെ അവതരിപ്പിക്കുന്നു.
ആഹ, ടു സ്‌ട്രോക് എന്ന ചിത്രങ്ങളാണ് അമിത് ചക്കാലക്കലിന്റെതായി റിലീസിന് ഒരുങ്ങുന്നത്. എബിസിഡി എന്ന ചിത്രത്തിലൂടെ മലയാള സിനിമയിലേക്ക് എത്തിയ അമിത് ഹണി ബീ, വാരിക്കുഴിയിലെ കൊലപാതകം എന്നീ ചിത്രങ്ങളിലൂടെയാണ് ശ്രദ്ധേയനായത്.
