അര്‍ജ്ജുന്‍ അശോകനെയും സംയുക്ത മേനോനെയും ഷൈന്‍ ടോം ചാക്കോയെയും മുഖ്യ കഥാപാത്രങ്ങളാക്കി ഷാജി അസീസ് ഒരുക്കുന്ന ‘വുൾഫ്’ എന്ന സിനിമയുടെ ട്രെയിലർ പുറത്തിറങ്ങി. ലോക്ക് ഡൌണിൻ്റെ പശ്ചാത്തലത്തിലുള്ള ക്രൈം ബേസ്ഡ് ത്രില്ലറാണ് ചിത്രമെന്നാണ് ട്രെയിലർ സൂചിപ്പിക്കുന്നത്. ഷാജി അസീസ് ഒരുക്കുന്ന മൂന്നാമത്തെ ചിത്രമാണിത്. മലയാളത്തിൻ്റെ മെഗാസ്റ്റാർ മമ്മൂട്ടിയാണ് ട്രെയിലർ പുറത്ത് വിട്ടത്.
ഒരു പോലീസ് ഉദ്യോഗസ്ഥനായാണ് ഷൈന്‍ ടോം ചാക്കോ എത്തുന്നത്. സംയുക്ത മേനോനെ വിവാഹം കഴിക്കാന്‍ എത്തുന്ന ചെറുപ്പക്കാരാനായാണ് അര്‍ജുന്‍ അശോകന്‍ ഈ സിനിമയില്‍ വേഷമിടുന്നത്. ജാഫര്‍ ഇടുക്കി, ഇര്‍ഷാദ് എന്നിവരും ശ്രദ്ധേയമായ വേഷങ്ങളിലെത്തുന്നുണ്ട്. വിരലിലെണ്ണാവുന്ന അഭിനേതാക്കള്‍ മാത്രമേ ചിത്രത്തിലുണ്ടാവുക എന്നതാണ് വിവരം.
ദാമര്‍ സിനിമയുടെ ബാനറില്‍ സന്തോഷ് ദാമോദരനാണ് ചിത്രം നിര്‍മ്മിക്കുന്നത്.ഫായിസ് സിദ്ദിഖാണ് ചിത്രത്തിന്റെ ഛായാഗ്രഹണം നിർവഹിക്കുന്നത്.
