നടിയും അവതാരകയുമായ ആര്യയുടെ ഗ്ലാമർ ഫോട്ടോഷൂട്ട് ചിത്രങ്ങളാണ് സമൂഹമാധ്യമങ്ങളിൽ ഇപ്പോൾ വൈറലായിരിക്കുന്നത്.ഗ്ലാമർ ലുക്കിലുളള ഫോട്ടോകൾക്ക് വിമർശനങ്ങളും വന്നു തുടങ്ങിയിട്ടുണ്ട്. ഇതിനൊക്കെ നല്ല ചുട്ട മറുപടിയും ആര്യ കൊടുക്കുന്നുണ്ട്. ‘മത്തായിച്ചാ മുണ്ട് മുണ്ട്’ എന്നായിരുന്നു ഒരാളുടെ കമന്റ് മത്തായിച്ചാ മുണ്ടല്ല നിക്കർ നിക്കർ, എന്നായിരുന്നു ആര്യയുടെ കലക്കൻ മറുപടി.അതേസമയം, ആര്യയുടെ പുതിയ ലുക്കിനെ പിന്തുണച്ചും നിരവധി പേർ കമന്റ് ഇട്ടിട്ടുണ്ട്.
തിരുവനന്തപുരം സ്വദേശിയായ ആര്യ വെസ്റ്റേൺ, സിനിമാറ്റിക്, സെമി ക്ലാസിക്കൽ എന്നിവ അഭ്യസിച്ചിട്ടുണ്ട്. സീരിയലുകളിലും സിനിമകളിലുമെല്ലാം അഭിനയിച്ചെങ്കിലും ഏഷ്യാനെറ്റിലെ ബഡായി ബംഗ്ലാവ് എന്ന പരിപാടിയാണ് ആര്യയെ ശ്രദ്ധേയയാക്കിയത്.
കുഞ്ഞി രാമായണം, ഹണീബീ, പ്രേതം, പുണ്യാളൻ , അലമാര എന്നീ ചിത്രങ്ങളിലും ആര്യ അഭിനയിച്ചിരുന്നു. ഏഷ്യാനെറ്റിൽ സംപ്രേഷണം ചെയ്ത റിയാലിറ്റി ഷോ ആയ ബിഗ് ബോസ് സീസൺ രണ്ടിലെ മത്സരാർത്ഥി കൂടിയായിരുന്നു ആര്യ.
