ബോളിവുഡ് താരം ഭൂമി പഡ്‌നേക്കറിന്റെ 'ദുര്‍ഗാമതി' എന്ന ഹിന്ദി ചിത്രത്തിന്റെ പുതിയ പ്രൊമോ വീഡിയോ പുറത്തിറങ്ങി. ഒടിടി പ്ലാറ്റ്‌ഫോമായ ആമസോണ്‍ പ്രൈമിൽ ഡിസംബര്‍ 11ന് ചിത്രം റിലീസ് ചെയ്യും. അനുഷ്‌ക ഷെട്ടി നായികയായെത്തിയ 2018ല്‍ പുറത്തിറങ്ങിയ 'ഭാഗമതി' എന്ന തെലുങ്കു ചിത്രത്തിന്റെ ഹിന്ദി റീമെയ്ക്കാണ് 'ദുര്‍ഗാമതി'. ജി അശോക് സംവിധാനം ചെയ്യുന്ന ചിത്രം നിർമിക്കുന്നത് അക്ഷയ് കുമാര്‍, ബൂഷന്‍ കുമാര്‍, വിക്രം മല്‍ഹോത്ര എന്നിവരാണ്.അര്‍ഷദ് വാര്‍സി, ജിഷു സെന്‍ഗുപ്ത എന്നിവരാണ് ചിത്രത്തിലെ മറ്റ് പ്രധാനതാരങ്ങള്‍. https://youtu.be/ewKH73Ds5UA
മലയാളത്തില്‍ അരങ്ങേറി ഇപ്പോള്‍ തെന്നിന്ത്യന്‍ ഭാഷകളില്‍ വെന്നികൊടി പാറിക്കുന്ന നടിയാണ് കീര്‍ത്തി സുരേഷ്. ഇപ്പോള്‍ ബോളിവുഡില്‍ അരങ്ങേറാനുള്ള തയ്യാറെടുപ്പിലാണ് കീര്‍ത്തി. തമിഴിലും തെലുങ്കിലുമെല്ലാം നിറഞ്ഞു നില്‍ക്കുന്ന നടിയെ തേടി ദേശീയ അവാര്‍ഡുമെത്തി. മലയാളത്തിലും തമിഴിലും നിറഞ്ഞുനിന്ന നടി മേനകയുടെയുടെയും നിര്‍മ്മാതാവ് സുരേഷ് കുമാറിന്റെയും മകളാണ് കീര്‍ത്തി. താരത്തിന്റെതായി പുറത്ത് വരുന്ന ഓരോ വിശേഷങ്ങളും ആരാധകര്‍ ഏറ്റെടുക്കാറുണ്ട്. ഇപ്പോള്‍ കീര്‍ത്തി സുരേഷ് പങ്കുവച്ച്‌ രസകരമായ ഒരു വീഡിയോ ആണ് വൈറലാകുന്നത്. സംവിധായകനെ കാലന്‍ കുട കൊണ്ട് തല്ലാന്‍ ഓടിക്കുന്ന കീര്‍ത്തി സുരേഷിന്റെ വിഡിയോ ആണ് അത്.. ഇതൊരു 'പ്രതികാര നടപടി'യാണെന്നാണ് കീര്‍ത്തി പറയുന്നത്. 'ഒരാളെ വീഴ്ത്തി, ഇനി ഒരുത്തന്‍ കൂടി ഉണ്ട്. നിഥിന്‍ ഇനി എന്റെ പ്രതികാരം നിന്നോടാണ്.' വിഡിയോയ്ക്ക് അടിക്കുറിപ്പായി കീര്‍ത്തി കുറിച്ചു.കീര്‍ത്തിയും നിഥിനും പ്രധാനവേഷങ്ങളിലെത്തുന്ന 'രംഗ് ദേ' യുടെ ചിത്രീകരണം ദുബായില്‍ പുരോഗമിക്കുകയാണ്. വെങ്കി അത്‌ലുരിയാണ് സംവിധാനം. കഴിഞ്ഞ ദിവസം സെറ്റില്‍ കിട്ടിയ ഒഴിവുസമയത്തില്‍ ക്ഷീണിതയായി ഉറങ്ങുന്ന കീര്‍ത്തിയുടെ ഫോട്ടോ, നിഥിനും വെങ്കിയും കൂടി എടുക്കുകയുണ്ടായി. ഇതിനുള്ള കീര്‍ത്തിയുടെ പ്രതികാരമാണിത്. https://youtu.be/2v-_Uhuqw20
ഒരു കലണ്ടർ വർഷത്തിലെ ഇന്ത്യൻ താരത്തിൻ്റെ ഉയർന്ന വ്യക്തിഗത സ്കോർ എന്ന റെക്കോർഡ് വീണ്ടും ഓപ്പണർ രോഹിത് ശർമ്മയ്ക്ക്. തുടർച്ചയായ എട്ടാം തവണയാണ് ഇന്ത്യൻ വൈസ് ക്യാപ്റ്റൻ ഈ നേട്ടം കുറിയ്ക്കുന്നത്. രോഹിത് ഒഴികെ മറ്റാർക്കും ഇക്കൊല്ലം ഏകദിനത്തിൽ സെഞ്ചുററി നേടാനും കഴിഞ്ഞിട്ടില്ല.ഈ വർഷം ജനുവരിയിൽ ഓസ്ട്രേലിയക്കെതിരെ ബെംഗളൂരുവിൽ വെച്ച് രോഹിത് ശർമ്മ നേടിയ 119 റൺസാണ് ഇക്കൊല്ലത്തെ ഒരു ഇന്ത്യൻ താരത്തിൻ്റെ വ്യക്തിഗത സ്കോർ. ആകെ മൂന്ന് ഏകദിനം മാത്രമാണ് ഇക്കൊല്ലം രോഹിത് കളിച്ചത്. കൊവിഡ് ഇടവേളയ്ക്കു ശേഷം ആദ്യമായി നടന്ന ഇന്ത്യയുടെ രാജ്യാന്തര പരമ്പരയിൽ, ഓസ്ട്രേലിയക്കെതിരെ രോഹിത് കളിച്ചിരുന്നില്ല. 2013ൽ ശ്രീലങ്കക്കെതിരെ നേടിയ ആദ്യ ഇരട്ടശതകം മുതലാണ് രോഹിത് ഇന്ത്യയുടെ കലണ്ടർ വർഷത്തിലെ ഉയർന്ന സ്കോർ തന്റെ പേരിൽ ചേർത്ത് തുടങ്ങിയത്.2013-2092014-2642015-1502016-171 നോട്ടൗട്ട്2017-208 നോട്ടൗട്ട്2018-1252019-1592020-119ഓസീസ് പരമ്പരയി 2-1ന് ഇന്ത്യക്ക് നഷ്ടമായിരുന്നു. ആദ്യ രണ്ട് മത്സരങ്ങളും പരാജയപ്പെട്ട ഇന്ത്യ അവസാന മത്സരത്തിൽ 13 റൺസിനാണ് വിജയിച്ചത്. ആദ്യം ബാറ്റ് ചെയ്ത ഇന്ത്യ 5 വിക്കറ്റ് നഷ്ടത്തിൽ 302 റൺസ് എടുത്തപ്പോൾ ഓസ്ട്രേലിയ 289ന് എല്ലാവരും പുറത്തായി. ഇന്ത്യക്കായി ഹർദ്ദിക് പാണ്ഡ്യ (92), രവീന്ദ്ര ജഡേജ (66), വിരാട് കോലി (63) എന്നിവർ തിളങ്ങി. https://youtu.be/zkV3a63D3hE
ബാഴ്‌സലലോണ: അന്തരിച്ച ഫുട്‌ബോള്‍ ഇതിഹാസം ഡീഗോ മാറഡോണയ്ക്ക് കളിക്കളത്തില്‍ ആദരവര്‍പ്പിച്ച ബാഴ്‌സലോണ താരം ലയണല്‍ മെസ്സിക്ക് പിഴശിക്ഷ.നവംബര്‍ 29-ന് ലാ ലിഗയില്‍ ഒസാസൂനയ്ക്കെതിരായ മത്സരത്തില്‍ ഗോളടിച്ചശേഷം മെസ്സി തന്റെ തന്റെ ബാഴ്സ ജേഴ്സി അഴിച്ച് മാറ്റി ഉള്ളില്‍ ധരിച്ചിരുന്ന അര്‍ജന്റീന ക്ലബ് ന്യൂവെല്‍സ് ഓള്‍ഡ് ബോയ്സിലെ മാറഡോണയുടെ 10-ാം നമ്പര്‍ ജേഴ്സി പ്രദര്‍ശിപ്പിച്ച് ഇതിഹാസ താരത്തിന് ആദരവര്‍പ്പിച്ചിരുന്നു. താരത്തിന്റെ ഈ പ്രവൃത്തിക്കെതിരെയാണ് സ്പാനിഷ് സോക്കര്‍ ഫെഡറേഷന്‍ നടപടിയെടുത്തത്. മെസ്സിക്ക് 600 യൂറോ പിഴവിധിച്ച സ്പാനിഷ് സോക്കര്‍ ഫെഡറേഷന്‍ ബാഴ്‌സലോണ ക്ലബ്ബിനോട് 180 യൂറോയും പിഴയടയ്ക്കാനും നിര്‍ദേശിച്ചിട്ടുണ്ട്. മത്സരത്തിനിടെ ജേഴ്സി അഴിച്ച് മാറ്റിയതിനു പിന്നാലെ തന്നെ റഫറി മെസ്സിക്ക് നേരെ മഞ്ഞക്കാര്‍ഡ് ഉയര്‍ത്തിയിരുന്നു. മാറഡോണയ്ക്ക് വ്യത്യസ്തമായി ആദരവര്‍പ്പിച്ച മെസ്സിയുടെ നടപടി ലോകമെമ്പാടും പ്രശംസിക്കപ്പെട്ടിരുന്നു. ഇതിനെതിരേ നടപടിയെടുത്ത സ്പാനിഷ് സോക്കര്‍ ഫെഡറേഷനെതിരേ വിവിധ കോണുകളില്‍ നിന്നും കടുത്ത വിമര്‍ശനമാണ് ഉയരുന്നത്.മാറഡോണയ്ക്ക് ആദരമര്‍പ്പിച്ചുള്ള പ്രവൃത്തിയായതിനാല്‍ മെസ്സിക്കെതിരേ നടപടിയെടുക്കരുതെന്ന് ബാഴ്‌സലോണ സ്പാനിഷ് സോക്കര്‍ ഫെഡറേഷനോട് അഭ്യര്‍ഥിച്ചിരുന്നു. എന്നാല്‍ ഇത് കണക്കിലെടുക്കാന്‍ ഫെഡറേഷന്‍ തയ്യാറായില്ല. https://youtu.be/zkV3a63D3hE
സംവിധായകന്‍ പ്രശാന്ത് നീലിനൊപ്പം പ്രഭാസിന്റെ വരാനിരിക്കുന്ന ചിത്രം 'സലാര്‍' ന്റെ ഫസ്റ്റ് ലുക്ക് പോസ്റ്റര്‍ പുറത്തിറങ്ങി. കെജിഎഫ് എന്ന ഹിറ്റുമായി ശ്രദ്ധേയനായ പ്രശാന്ത് നീല്‍ സംവിധാനം ചെയ്യുന്ന ചിത്രം നിർമ്മിക്കുന്നത് കെജിഎഫ് നിർമാതാക്കളായ ഹോംബാലെ ഫിലിംസാണ് .കെജിഎഫ് ചാപ്റ്റര്‍ 2-ന്റെ ചിത്രീകരണം പൂര്‍ത്തിയാകാനിരിക്കെയാണ് പ്രശാന്ത് നീല്‍ എന്ന ഭാഗ്യ സംവിധായകന്റെ കീഴില്‍ തന്നെ മൂന്നാമത്തെ ചിത്രവും വിജയ് കിരാഗന്ദൂറിന്റെ ഉടമസ്ഥതയിലുള്ള ഹോംബാലെ ഫിലിംസ് പ്രഖ്യാപിച്ചിരിക്കുന്നത് എന്ന പ്രത്യേകതയുമുണ്ട്. 'ഏറ്റവും ആക്രമണകാരിയായ മനുഷ്യന്‍' എന്ന ടാഗ്‌ലൈനോടുകൂടി വന്ന ഫസ്റ്റ് ലുക്ക് പോസ്റ്ററിൽ തോക്കില്‍ കൈത്തണ്ട വെച്ചുള്ള ലുക്കാണ്.ഇതുവരെ ചെയ്തതില്‍ എറ്റവുമധികം വയലന്‍സുള്ള കഥാപാത്രമാണ് സലാറിലേതെന്ന് പ്രഭാസ് വ്യക്തമാക്കുന്നു. പാന്‍ ഇന്ത്യന്‍ സ്വീകാര്യത ലക്ഷ്യമിടുന്ന ചിത്രം മുൻപ് ചെയ്യാത്ത തരം കഥാപാത്രമായിരിക്കുമെന്നും പ്രഭാസ് പറയുന്നു. 2021 ജനുവരിയില്‍ ചിത്രീകരണം ആരംഭിക്കാനിരിക്കുന്ന സലാര്‍ പ്രഭാസിന്റെ ഇപ്പോള്‍ ചിത്രീകരണം നടക്കുന്ന രാധേ ശ്യാമിന് ശേഷം റിലീസ് ചെയ്യാനാണ് തീരുമാനിച്ചിരിക്കുന്നത്.പ്രഭാസ് ഇപ്പോള്‍ ഹൈദരാബാദില്‍ രാധെ ശ്യാമിന്റെ ചിത്രീകരണത്തിലാണ്. രാധാകൃഷ്ണ കുമാര്‍ സംവിധാനം ചെയ്യുന്ന ഈ ചിത്രം യൂറോപ്പിലെ ഒരു പീരിയഡ് ലവ് സ്റ്റോറിയാണ്. നാഗ്‌ അശ്വിന്റെ വരാനിരിക്കുന്ന ചിത്രത്തിന്റെ ഷൂട്ടിംഗിനും അദ്ദേഹം കാത്തിരിക്കുകയാണ്‌. ദീപിക പദുകോണ്‍ ആണ് അതില്‍ നായിക. ഓം കൗര്‍ സംവിധാനം ചെയ്യുന്ന ആദി പുരുഷ് എന്ന ചിറ്റാഹൃത്തില്‍…
മലയാളത്തിലും തമിഴിലും തെലുങ്കിലുമൊക്കെ തിളങ്ങി നില്‍ക്കുന്ന നായികമാരില്‍ ഒരാളാണ് പ്രിയാമണി. വിനയന്‍ സംവിധാനം ചെയ്ത പൃഥ്വിരാജ് നായകനായെത്തിയ സത്യം എന്ന ചിത്രത്തിലൂടെ മലയാളത്തിലേക്ക് അരങ്ങേറ്റം കുറിച്ചത് .നടിയായും മോഡലായും ഡാന്‍സറായും എത്തിയ പ്രിയാമണിയെ മലയാളികള്‍ക്ക് ഏറെ ഇഷ്ടമാണ്. വിവാഹശേഷം അഭിനയ ജീവിതത്തില്‍ നിന്നും വിട്ടുനിന്ന താരം പിന്നീട് മമ്മൂട്ടി നായകനായെത്തിയ പതിനെട്ടാംപടി എന്ന ചിത്രത്തിലൂടെയാണ് വീണ്ടും അഭിനയരംഗത്തേക്ക് എത്തുന്നത്. പ്രിയാമണി വാസുദേവ്‌ മണി അയ്യര്‍ എന്ന നാമത്തിലുള്ള നടി വിവാഹം ചെയ്തത് മുസ്തഫ രാജിനെയാണ്. ഈ വിവാഹം ഏറെ വാര്‍ത്താ പ്രാധാന്യം നേടിയിരുന്നു. പല ഷോകളിലായി ഇരുവരും വിവാഹശേഷം ഒരുമിച്ച്‌ പ്രത്യക്ഷപ്പെടുകയും ഇരുവരുടെയും പ്രണയകഥ തുറന്ന് പറയുകയുമൊക്കെ ചെയ്തിട്ടുമുണ്ട്. ഇപ്പോഴിതാ സോഷ്യല്‍ മീഡിയയില്‍ പ്രിയ മണി പങ്കുവെച്ച പുത്തന്‍ ഫോട്ടോഷൂട്ട് ചിത്രങ്ങള്‍ക്ക് താഴെ ഒരു ആരാധകന്‍ കുറിച്ച കമൻറ്റും ഇതിന് നടി നല്‍കിയ മറുപടിയുമാണ് ശ്രദ്ധ നേടുന്നത്. 'താങ്കളുടെ രക്ത് ചരിത സിനിമ മുതല്‍ ഒരുപാട് ഇഷ്ടമാണ്. പക്ഷേ താങ്കളെന്തിനാണ് ഒരു മുസ്ലീമിനെ വിവാഹം ചെയ്തത്' എന്നായിരുന്നു അരുണ്‍ ചൌധരി എന്ന ആരാധകന്‍്റെ കമന്റ്. 'ഞാന്‍ വിവാഹം ചെയ്തത് ഒരു ഇന്ത്യന്‍ പൗരനെയാണ് ' എന്നായിരുന്നു പ്രിയമണിയുടെ മാസ്സ് മറുപടി. ഇതിനും മറുപടിയുമായി അരുണ്‍ ചൌധരി എത്തിയിട്ടുണ്ട്. 'അതെ സത്യമാണ്, പക്ഷേ താങ്കള്‍ പോയതില്‍…
ലോക ക്രിക്കറ്റിലെ എക്കാലത്തെയും മികച്ച താരം എന്ന് വിശേഷിപ്പിക്കപ്പെടുന്ന ഇന്ത്യന്‍ ബാറ്റിങ് ഇതിഹാസം സച്ചിന്‍ ടെണ്ടുല്‍ക്കറിന്‍റെ കരിയര്‍ 24 വര്‍ഷങ്ങള്‍ നീണ്ടു നിന്നതാണ്. വിരമിച്ച ശേഷവും ഭാവിയില്‍ മറ്റൊരു ക്രിക്കറ്റര്‍ക്കും എത്തിപ്പിടിക്കാന്‍ കഴിയാത്ത വിധം ഉയരത്തില്‍ നില്‍ക്കുകയാണ് സച്ചിന്‍ എന്ന ഇന്ത്യക്കാരുടെ ക്രിക്കറ്റ് ദൈവം. തന്റെ ദീര്‍ഘമായ കരിയറില്‍ 200 ടെസ്റ്റുകളില്‍ നിന്നും 15,921 റണ്‍സും 463 ഏകദിനങ്ങളില്‍ നിന്നും 18,426 റണ്‍സും സ്വന്തമാക്കിയ സച്ചിന്‍ ഏകദിനത്തില്‍ 51ഉം ടെസ്റ്റില്‍ 49ഉം സെഞ്ച്വറികള്‍ നേടി. ഇരു ഫോര്‍മാറ്റിലുമായി അന്താരാഷ്ട്ര ക്രിക്കറ്റില്‍ സെഞ്ച്വറികളില്‍ സെഞ്ച്വറി തികച്ച ലോകത്തിലെ ഏക താരം കൂടിയാണ് സച്ചിന്‍. നിലവില്‍ 19 ഗിന്നസ് ലോക റെക്കോര്‍ഡുകളാണ് സച്ചിന്റെ പേരിലുള്ളത്. 🏏ഒറ്റ കലണ്ടര്‍ വര്‍ഷത്തില്‍ ഏറ്റവുമധികം റണ്‍സെടുത്തിട്ടുള്ള പുരുഷ ക്രിക്കറ്റ് താരം. 🏏അന്താരാഷ്ട്ര ക്രിക്കറ്റ് മത്സരങ്ങളില്‍ ഏറ്റവുമധികം റണ്‍സെടുത്ത പുരുഷ താരം. 🏏അന്താരാഷ്ട്ര കരിയറില്‍ ഏറ്റവും കൂടുതല്‍ പ്ലെയര്‍ ഓഫ് ദി മാച്ച് അവാര്‍ഡുകള്‍. 🏏ഏകദിന ക്രിക്കറ്റില്‍ കൂട്ടുകെട്ടിലൂടെ ഏറ്റവുമധികം റണ്‍സ്. 🏏ടെസ്റ്റ് ക്രിക്കറ്റില്‍ കൂട്ടുകെട്ടില്‍ ഏറ്റവുമധികം സെഞ്ച്വറികള്‍ നേടി. 🏏അന്താരാഷ്ട്ര ഏകദിന ക്രിക്കറ്റ് കരിയറില്‍ ഏറ്റവുമധികം മത്സരങ്ങള്‍ കളിച്ച പുരുഷ താരം. 🏏അന്താരാഷ്ട്ര ക്രിക്കറ്റില്‍ കൂട്ടുകെട്ടിലൂടെ ഏറ്റവുമധികം സെഞ്ച്വറി. 🏏ടെസ്റ്റ് ക്രിക്കറ്റില്‍ കൂടുതല്‍ സെഞ്ച്വറികള്‍ തികച്ച ഏക പുരുഷ താരം. 🏏ടെസ്റ്റില്‍…
മാലിദ്വീപ് കടപ്പുറത്ത് ഗ്ലാമറസ് ലുക്കില്‍ ആരാധകരെ അമ്പരപ്പിച്ചുകൊണ്ട് ശാലിൻ സോയ.സൂര്യനും മണലും കടലും ഞാനും എന്ന അടിക്കുറിപ്പിലാണ് ചിത്രങ്ങള്‍ പങ്കുവെച്ചിരിക്കുന്ന്. ലോക്ക് ഡൗണ്‍ കാലത്ത് ഡയറ്റിലൂടെയും വ്യായാമത്തിലൂടെയും 13 കിലോയോളം ശരീരഭാരം കുറച്ച ശാലിന്റെ മേക്കോവര്‍ കഴിഞ്ഞ ദിവസങ്ങളില്‍ വാര്‍ത്തയായിരുന്നു.കീറ്റോ ഡയറ്റിലൂടേയും ചിട്ടയായ വ്യായാമത്തിലൂടെയുമാണ് നടി ഇത് സാധിച്ചെടുത്തത്. സിനിമിയിലും സീരിയലുമെല്ലാം സജീവമായ ഷാലിന്‍ സംവിധാനം ചെയ്ത ഷോര്‍ട്ട്ഫിലിമുകളും ഏറെ ശ്രദ്ധ നേടിയിരുന്നു. മല്ലു സിംഗ്, എല്‍സമ്മ എന്ന ആണ്‍കുട്ടി, മാണിക്യ കല്ല്, റബേക്ക ഉതുപ്പ് കിഴക്കേമല തുടങ്ങിയ ചിത്രങ്ങളിലെ ഷാലിന്റെ കഥാപാത്രവും ശ്രദ്ധ നേടിയവയാണ്. https://youtu.be/2v-_Uhuqw20 https://youtu.be/2v-_Uhuqw20
ഇന്‍സെപ്ഷന്‍, എക്സ്-മെന്‍ തുടങ്ങിയ ചിത്രങ്ങളിലൂടെ പ്രശസ്തയായി മാറിയ നടിയാണ് ഹോളിവുഡ് താരം എലിയട്ട് പേജ് ( എലെന്‍ പേജ്). സോഷ്യല്‍ മീഡിയയില്‍ പോസ്റ്റ് ചെയ്ത കുറിപ്പിലൂടെയാണ് താരം തന്റെ വ്യക്തിത്വത്തെക്കുറിച്ച്‌ തുറന്നു പറഞ്ഞത്. സുഹൃത്തുക്കളെ, ഞാനൊരു ട്രാന്‍സാണെന്ന് നിങ്ങളെ അറിയിക്കുകയാണ്. എന്റെ എലിയറ്റ് എന്നാണ്. അവന്‍, അവര്‍ എന്നാണ് ഇനി എന്നെ വിളിക്കേണ്ടത്. ഇത് എഴുതാന്‍ കഴിഞ്ഞതിലും ഇവിടെ നില്‍ക്കാന്‍ സാധിക്കുന്നതിലും ഞാന്‍ ഭാഗ്യവതിയാണ്. ഇങ്ങനെ എഴുതാന്‍ എന്നെ പ്രാപ്തനാക്കിയ, പിന്തുണ നല്‍കിയ എല്ലാവര്‍ക്കും നന്ദി. എന്റെ യഥാര്‍ത്ഥ അസ്തിത്വത്തെ തിരിച്ചറിയാനും അത് ആശ്ലേഷിക്കാനും കഴിയുമ്ബോഴുള്ള അനുഭവം വാക്കുകളില്‍ വിവരിക്കാന്‍ കഴിയില്ല- എലിയറ്റ് കുറിച്ചു. കൂടാതെ ട്രാന്‍സ്ജന്റര്‍ വിഭാഗം അനുഭവിക്കുന്ന ക്രൂരതകളെക്കുറിച്ചും താരം കുറിക്കുന്നുണ്ട്. ട്രാന്‍സിന്റെ അവകാശത്തിനായി പോരാടുമെന്നും എലിയറ്റ് പറയുന്നു. ഞാനൊരു ട്രാന്‍സ് ആണെന്നതിനെ ഞാന്‍ സ്നേഹിക്കുന്നു. ലൈംഗികന്യൂനപക്ഷങ്ങളില്‍ ഒരാള്‍. ഞാന്‍ ആരാണെന്നതിനെ പൂര്‍ണമായും അംഗീകരിക്കുകയും ആ തിരിച്ചറിവോടെ കൂടുതല്‍ അഭിവൃദ്ധിപ്പെടാന്‍ ആഗ്രഹിക്കുന്നു. ഓരോ ദിവസവും സമൂഹത്തില്‍ അധിക്ഷേപിക്കപ്പെടുകയും അതിക്രമങ്ങള്‍ക്ക് ഇരയാവുകയും ചെയ്യുന്ന എല്ലാ ട്രാന്‍സ് വ്യക്തികളോടും ഒരു കാര്യം പറയട്ടെ- ഞാന്‍ നിങ്ങളെ കാണുന്നു… നിങ്ങളെ സ്നേഹിക്കുന്നു… എനിക്ക് സാധ്യമായ എല്ലാം ഞാന്‍ നിങ്ങള്‍ക്കു വേണ്ടി ചെയ്യും- താരം കുറിച്ചു. ഇലിയട്ടിന്റെ ഈ തീരുമാനത്തെ പങ്കാളിയും കൊറിയോഗ്രാഫറുമായ എമ്മ പോര്‍ട്ണര്‍ അഭിനന്ദിച്ചു.2018ലാണ്…
പുതുമുഖ താരങ്ങളെ അണിനിരത്തി പെണ്‍ഭ്രൂണഹത്യയുടെ കഥയുമായി രാജസ്ഥാനില്‍ ചിത്രീകരിച്ച മലയാള ചിത്രം 'പിപ്പലാന്ത്രി' റിലീസിനൊരുങ്ങി. പുതുമുങ്ങളെ അണിനിരത്തി രാജസ്ഥാന്‍ ഗ്രാമങ്ങളില്‍ നടക്കുന്ന അനുഷ്ഠാനങ്ങളും ആചാരങ്ങളും തനതായി ചിത്രീകരിച്ച മലയാള ചിത്രം സിക്കമോര്‍ ഫിലിം ഇന്റര്‍നാഷണലിന്റെ ബാനറില്‍ നവാഗതമായ ഷോജി സെബാസ്റ്റ്യനാണ് സംവിധാനം ചെയ്തത്.സാമൂഹിക ദുരാചാരമായ പെണ്‍ഭ്രൂണഹത്യയുടെ രഹസ്യങ്ങള്‍ തേടിയുള്ള പ്രയാണമാണ് 'പിപ്പലാന്ത്രി'യുടെ കഥാസാരം. 'സിനിമയ്ക്കുവേണ്ടി പ്രത്യേകിച്ച്‌ ഞങ്ങള്‍ ഒന്നും ഷൂട്ട് ചെയ്തിട്ടില്ല. ഗ്രാമങ്ങളിലെ പൗരാണിക ആചാരങ്ങള്‍ മാസങ്ങള്‍ നീണ്ട കാത്തിരിപ്പിനൊടുവിലാണ് ചിത്രീകരിക്കാനായത്. കൃത്രിമമായിട്ടൊന്നും ചെയ്തിട്ടില്ല. ഗ്രാമ മുഖ്യന്മാരുടെ അനുമതിയോടെ നൂറുകണക്കിന് ഗ്രാമവാസികളെ അണിനിരത്തിയായിരുന്നു ചിത്രീകരണം. പെണ്‍ഭ്രൂണഹത്യയുടെ സാമൂഹിക രാഷ്ട്രീയമാണ് ചിത്രം ചര്‍ച്ച ചെയ്യുന്നത്. ചരിത്രപരമായ ഒട്ടേറെ വിഷയങ്ങളിലൂടെയാണ് കഥ വികസിക്കുന്നത്. ഗൗരവമേറിയ സാമൂഹിക പ്രശ്നമാണ് 'പിപ്പരാന്ത്രി'യിലൂടെ ദൃശ്യവത്ക്കരിക്കുന്നതെന്നും സംവിധായകന്‍ ഷോജി സെബാസ്റ്റ്യന്‍ പറഞ്ഞു. സുരേഷ് വേലത്ത്, ഋഷി, മിയശ്രീ, ജോഷി നായര്‍, രാകേഷ്ബാബു, കാവ്യ, ജോണ്‍ മാത്യൂസ് എന്നിവരാണ് പ്രധാന കഥാപാത്രങ്ങളെ അവതരിപ്പിക്കുന്നത്. എക്സിക്യൂട്ടീവ് പ്രൊഡ്യൂസര്‍ പ്രഫ. ജോണ്‍ മാത്യൂസ്, ക്യാമറ സിജോ എം എബ്രഹാം, തിരക്കഥ ഷെല്ലി ജോയ്, ഷോജി സെബാസ്റ്റ്യന്‍, എഡിറ്റര്‍ ഇബ്രു എഫ് എക്സ്, ഗാനരചന ചിറ്റൂര്‍ ഗോപി, ജോസ് തോന്നിയാമല, സംഗീതം ഷാന്റി ആന്റണി, പിആര്‍ഒ - പി ആര്‍ സുമേരന്‍. https://youtu.be/2v-_Uhuqw20
