ഒപ്പമിരുന്ന് പഠിച്ച ലേഡീ സൂപ്പര്‍സ്റ്റാര്‍ നയൻതാരയെക്കുറിച്ച് സഹപാഠിയുടെ രസകരമായ കുറിപ്പ് വൈറൽ
തെന്നിന്ത്യയിലെ ഏറ്റവും താരമൂല്യമുള്ള നായികയും ഏറ്റവും ഫാന്‍ ബേസുള്ള നടിയുമാണ് നയന്‍താര ഇന്ന്. ലേഡി സൂപ്പര്‍ സ്റ്റാറിന്റെ പിറന്നാള്‍ ദിനത്തില്‍ ആരാധകരും സഹപ്രവര്‍ത്തകരുമടക്കം നിരവധി പേരാണ് നയന്‍താരയ്ക്ക് പിറന്നാള്‍ ആശംസകളുമായി എത്തിയത്. മലയാള സിനിമയിലെ സ്‌പോട്ട് എഡിറ്ററായ സാഗര്‍ ദാസ് പങ്കുവച്ച കുറിപ്പാണ് സോഷ്യല്‍ മീഡിയയില്‍ വൈറലാകുന്നത്. സിനിമാ പാരമ്ബര്യം ഒന്നുമില്ലാതെ തെന്നിന്ത്യന്‍ സിനിമാ ലോകത്തെ താരറാണി ആയി മാറിയ നയന്‍താരയുടെ വളര്‍ച്ചയെ കുറിച്ചാണ് സാഗറിന്റെ പോസ്റ്റ്. സാഗര്‍ ദാസിന്റെ കുറിപ്പ്: ദിലിപേട്ടന്‍ വിളിച്ചിട്ട് ലവ് ആക്ഷന്‍ ഡ്രാമ സെക്കന്റ് ഷെഡ്യൂള്‍ സ്‌പോട്ട് എഡിറ്റ് ചെയ്യാന്‍ ഞാന്‍ എത്തുന്ന സമയം. നയന്‍താര മാഡത്തെപ്പറ്റി പേടിപ്പെടുത്തുന്ന കുറെ കാര്യങ്ങള്‍ സെറ്റിലെ പലരും പറഞ്ഞു ഞാന്‍ അറിയുന്നു. ഹോ.. സംഭവം തന്നെ… മനസ്സില്‍ അങ്ങനെ കേട്ടതും കേള്‍ക്കാത്തതുമായ കഥകളൊക്കെ ആലോചിച്ചുകൂട്ടി നില്‍ക്കുമ്ബോ ദാ വരുന്നു സാക്ഷാല്‍ നയന്‍താര മാഡം കാരവാനില്‍നിന്ന്.. 4 ബോഡിഗാര്‍ഡ്,ഹെയര്‍ ഡ്രസര്‍, പിഎ അങ്ങനെ ഒരു ജാഥക്കുള്ള ആളുണ്ട് ഒപ്പം. ഷൂട്ട് നടക്കുന്ന വില്ലയിലേക്ക് നയന്‍താര കയറിയപാടെ സ്‌പോട്ട് എഡിറ്ററുടെ ഗമയില്‍ പിന്നാലെ ഞാനും… അപ്പൊ ദാണ്ടെ ബോഡി ഗാര്‍ഡില്‍ ഒരുത്തന്‍ എന്നെ പിടിച്ചുവെച്ചേക്കുന്നു. 'അണ്ണാ.. നാന്‍ വന്ത് സ്‌പോട്ട് എഡിറ്റര്‍, വിടുങ്കോ വിടുങ്കോ'ബോഡി ഗാര്‍ഡ്: ഐഡി ഇറുക്കാ ?ഐഡി ഉം മാങ്ങാതൊലിയുമൊന്നും ഇല്ല..…
