ബോളിവുഡിലും തെന്നിന്ത്യയിലും കൈനിറയെ ആരാധകരുള്ള താരങ്ങളാണ് ഹൃത്വിക് റോഷനും ദീപിക പദുകോണും. ഇപ്പോഴിതാ സിദ്ധാര്‍ഥ് ആനന്ദിന്റെ പുതിയ ചിത്രത്തില്‍ ഹൃത്വിക് റോഷനും ദീപിക പദുക്കോണും പ്രധാനകഥാപാത്രങ്ങളെ അവതരിപ്പിക്കുന്നു .ഇതാദ്യമായാണ് ഹൃത്വികും ദീപികയും ഒരുമിച്ചഭിനയിക്കുന്നത്. 2022 സെപ്റ്റംബര്‍ 30 നാണ് ചിത്രം പ്രദര്‍ശനത്തിനെത്തുന്നത്.
ഫൈറ്ററിന്റെ ആദ്യ ടീസര്‍ പങ്കുവെച്ച്‌ കൊണ്ടാണ് ചിത്രത്തിനെ കുറിച്ച്‌ വെളിപ്പെടുത്തിയിരിക്കുന്നത്.ഹൃത്വികിന്റെ പിറന്നാള്‍ ദിനത്തോട് അനുബന്ധിച്ചായിരുന്നു പുതിയ ചിത്രത്തിന്റെ പ്രഖ്യാപനം.
ദീപിക പദുക്കോണിന്റെ ഏറ്റവും ഒടുവില്‍ പുറത്തിറങ്ങിയ ചിത്രം ഛാപക്കാണ്.നിരവധി ബിഗ് ബജറ്റ് ചിത്രങ്ങളാണ് നടിയുടേതായി അണിയറയില്‍ ഒരുങ്ങുന്നത്.വിവാഹത്തിന് ശേഷം ഭര്‍ത്താവ് രണ്‍വീര്‍ സിങ്ങിനോടൊപ്പം അഭിനയിക്കുന്ന 83 ആണ് പുറത്തു വരാനുള്ള ദീപികയുടെ ചിത്രം.തിയേറ്റര്‍ റിലീസായിട്ടാണ് ചിത്രം തിയേറ്ററുകളില്‍ എത്തുന്നത്.
