ഗോഡ്സെ ; ഐശ്വര്യ ലക്ഷ്മി തെലുഗ് സിനിമയിലേക്ക് അരങ്ങേറ്റം കുറിക്കുന്നു
അഭിനയിച്ച ചിത്രങ്ങളിലെല്ലാം മികച്ച പ്രകടനം നടത്തി മലയാളികളുടെ ഇഷ്ടനായികയായി മാറിയ താരമാണ് ഐശ്വര്യ ലക്ഷ്മി. ഇപ്പോള്‍ താരം തെലുഗ് സിനിമയിലേക്ക് അരങ്ങേറ്റം കുറിക്കാന്‍ ഒരുങ്ങുകയാണ്.ഏറ്റവും പുതിയ റിപ്പോര്‍ട്ട് അനുസരിച്ച്‌ സത്യദേവ് നായകനായെത്തുന്ന ഗോഡ്സെ എന്ന പുതിയ ചിത്രത്തിലാണ് ഐശ്വര്യ നായികയായി അരങ്ങേറ്റം കുറിക്കുന്നത്. ഗോപി ഗണേഷ് പട്ടാഭി സംവിധാനം ചെയ്യുന്നചിത്രം സി കെ സ്ക്രീനിന്റെ ബാനറില്‍ സി കെ കല്യാണാണ് ഗോഡ്സെ നിർമ്മിക്കുന്നത്. ചിത്രം ഒരു ആക്ഷന്‍ ത്രില്ലര്‍ ആയിരിക്കുമെന്നാണ് റിപ്പോര്‍ട്ട്. ബ്ലഫ് മാസ്റ്റര്‍ എന്ന ചിത്രത്തില്‍ സത്യദേവും ഗോപി ഗണേഷ് പട്ടാഭിയും ഒന്നിച്ച്‌ പ്രവര്‍ത്തിച്ചിരുന്നു. ചിത്രത്തില്‍ നാസര്‍, ആദിത്യ മേനോന്‍, ബ്രഹ്മജി, കിഷോര്‍ എന്നിവരും പ്രധാന കഥാപാത്രങ്ങളെ അവതരിപ്പിക്കുന്നു. https://youtu.be/exSXLiv_EqM
