‘ദി ഗ്രേറ്റ് ഇന്ത്യന്‍ കിച്ചണ്‍’ ; സുരാജ് വെഞ്ഞാറമൂട്, നിമിഷ സജയന്‍ ചിത്രം ഡിജിറ്റല്‍ റിലീസിന് തയാറെടുക്കുന്നു
സുരാജ് വെഞ്ഞാറമൂട്, നിമിഷ സജയന്‍ ചിത്രം 'ദി ഗ്രേറ്റ് ഇന്ത്യന്‍ കിച്ചണ്‍' ഒ.ടി.ടി. റിലീസിന് ഒരുങ്ങുന്നു. പുതിയ ഒ.ടി.ടി. പ്ലാറ്റ്‌ഫോമായ നീ സ്ട്രീമിലാണ് ചിത്രം റിലീസ് ചെയ്യുക.ജിയോ ബേബി രചനയും സംവിധാനം ചെയ്യുന്ന ദ ഗ്രേറ്റ് ഇന്ത്യന്‍ കിച്ചന്‍ ഡിജോ അഗസ്റ്റിന്‍, ജോമോന്‍ ജേക്കബ്, വിഷ്ണു രാജന്‍, സജിന്‍ എസ് രാജ് എന്നിവര്‍ ചേര്‍ന്നാണ് നിര്‍മ്മിക്കുന്നത്. ‘കിലോമീറ്റേഴ്സ് ആന്‍ഡ് കിലോമീറ്റേഴ്സ് എന്ന ചിത്രത്തിന് ശേഷം ജിയോ ബേബി സംവിധാനം ചെയ്യുന്ന നാലാമത്തെ ചിത്രമാണിത്. തൊണ്ടിമുതലും ദൃക്സാക്ഷിയും ചിത്രത്തിന് ശേഷം സുരാജ് വെഞ്ഞാറമൂടും നിമിഷ സജയനും ദമ്ബതികളായി എത്തുന്നു എന്ന പ്രത്യേകതയും ചിത്രത്തിനുണ്ട്. കഴിഞ്ഞ വര്‍ഷം പുറത്തിറങ്ങിയ സ്റ്റാന്‍ഡ് അപ്പ്, ചോല തുടങ്ങിയ ചിത്രങ്ങളില്‍ നിമിഷ നായികാ വേഷം ചെയ്തിരുന്നു. ശേഷം പുറത്തിറങ്ങുന്ന നിമിഷയുടെ ചിത്രങ്ങളില്‍ ഒന്നാണിത്. വണ്‍, തുറമുഖം, മാലിക് തുടങ്ങിയ ചിത്രങ്ങളില്‍ നിമിഷ വേഷമിടുന്നുണ്ട്. ഇതിനു പുറമെ 'ഫൂട്ട് പ്രിന്റ്സ് ഓണ്‍ വാട്ടര്‍' എന്ന ഇംഗ്ലീഷ് ചിത്രത്തില്‍ നിമിഷ നായികയാണ്. ഡ്രൈവിംഗ് ലൈസന്‍സ് ആണ് റിലീസായതില്‍ വച്ച്‌ സുരാജിന്റെ ഏറ്റവും പുതിയ ചിത്രം. https://youtu.be/oS4JrCRS6v8
