‘മോഹന്‍ലാലിനൊപ്പം സിനിമ ചെയ്യണം’; ആഗ്രഹം തുറന്നുപറഞ്ഞ് സൂരരെ പോട്ര് സംവിധായിക സുധ കൊങ്ങര
സൂര്യ നായകനായ സൂരരെ പോട്ര്, കാളിദാസ് ജയറാമിന്റെ തങ്കം എന്നിവയിലൂടെ സമീപകാലത്ത് ഏറ്റവുമധികം ചര്‍ച്ച ചെയ്യപ്പെട്ടസംവിധായികയാണ് സുധ കൊങ്ങര.ഇപ്പോഴിതാ തന്റെ മനസ്സില്‍ ഉള്ള ഒരു ആഗ്രഹം തുറന്ന് പറയുകയാണ് സുധ. താന്‍ മോഹന്‍ലാലിന്റെ ഒരു വലിയ ആരാധിക ആണെന്നും മോഹന്‍ലാലിനൊപ്പം സിനിമ ചെയ്യുകയെന്നത് വലിയ ആഗ്രഹമാണെന്നും സുധ കൊങ്ങര പറയുന്നു. കാളിദാസിന് മുൻപ് സത്താര്‍ എന്ന ട്രാന്‍സ്‌ജെന്‍ഡര്‍ കഥാപാത്രമാകാന്‍ ദുല്‍ഖര്‍ സല്‍മാനെ സമീപിച്ചിരുന്നതായി സുധ കൊങ്ങര നേരത്തെ വെളിപ്പെടുത്തിയിരുന്നു.കൂടാതെ ഇപ്പോഴത്തെ നടന്മാരില്‍ ദുല്‍ഖര്‍ സല്‍മാന്‍ ആണ് തന്റെ പ്രീയപ്പെട്ട നടന്‍ എന്നും സുധ പറയുന്നു. മമ്മൂട്ടിയും തന്റെ ഇഷ്ട്ട നടന്മാരില്‍ ഒരാള്‍ ആണെങ്കിലും മോഹന്‍ലാലിന്റെ അഭിനയത്തോടാണ് തനിക്ക് കൂടുതല്‍ താല്‍പ്പര്യം എന്നും സുധ പറയുന്നു . ഇരുധിസുട്രു എന്ന സിനിമയിലൂടെയാണ് സുധ കൊങ്ങരയുടെ അരങ്ങേറ്റം. പുത്തന്‍ പുതു കാലൈ എന്ന ആന്തോളജിയില്‍ ഇളമൈ ഇദോ ഇദോ എന്ന സിനിമയും സുധയുടേതായിരുന്നു. രേവതി സംവിധാനം ചെയ്ത മിത്ര് മൈ ഫ്രണ്ടിന്റെ തിരക്കഥാകൃത്തും സുധ കൊങ്ങര ആയിരുന്നു. https://youtu.be/81ecCgSeM2Y
