മോഹന്‍ലാലിന്‍റെ “മരക്കാര്‍’ തീയറ്ററിലേക്ക്; റിലീസ് തീയതി പ്രഖ്യാപിച്ചു
പ്രേക്ഷകര്‍ ഏറെ ആകാംക്ഷയോടെ കാത്തിരിക്കുന്ന മോഹന്‍ലാല്‍ ചിത്രം "മരക്കാര്‍ അറബിക്കടലിന്റെ സിംഹം' ഈ വര്‍ഷം മാര്‍ച്ച്‌ 26ന് തിയറ്ററുകളിലെത്തും. നിര്‍മാതാവ് ആന്റണി പെരുമ്പാവൂരാണ് ഇക്കാര്യം അറിയിച്ചത്.കോവിഡ് പ്രതിസന്ധിയും തിയറ്റർ അടച്ചു പൂട്ടലും സംഭവിച്ചില്ലായിരുന്നെങ്കിൽ ഒരു വർഷം മുൻപേ തിയേറ്ററുകളിലെത്തേണ്ടിയിരുന്നതാണ്. മലയാള സിനിമയില്‍ ഇന്നോളമുള്ളതില്‍ ഏറ്റവും വലിയ ബജറ്റിലാണ് ചിത്രം ഒരുക്കിയിട്ടുള്ളത്. സംസ്ഥാനത്ത് തിയറ്ററുകള്‍ തുറക്കാമെന്ന് സര്‍ക്കാര്‍ അറിയിച്ചതിന് പിന്നാലെ മരക്കാറിന്‍റെ റിലീസ് തീയതി ആശീര്‍വാദ് സിനിമാസ് പ്രഖ്യാപിച്ചത്. പ്രിയദർശൻ സംവിധാനം ചെയ്ത് മോഹൻലാൽ നായകനാവുന്ന മരയ്ക്കാർ- അറബിക്കടലിന്റെ സിംഹം ഇന്ത്യൻ സിനിമയും മലയാള സിനിമയും ഒരുപോലെ ഉറ്റുനോക്കുന്ന ഒരു ചിത്രമാണ്. ആദ്യമായി സംവിധായകൻ ഫാസിൽ ഒരു പ്രധാന കഥാപാത്രമാകുന്നുവെന്ന പ്രത്യേകതയുണ്ട് ഈ പ്രിയദർശൻ ചിത്രത്തിന്. കുട്ട്യാലി മരയ്ക്കാർ എന്ന കഥാപാത്രമാണ് ഫാസിൽ ചെയ്യുന്നത്. ഒരേസമയം അഞ്ച് ഭാഷകളിലായിട്ടാണ് മരക്കാര്‍ ഒരുങ്ങുന്നത്. മലയാളത്തിന് പുറമേ ഹിന്ദി, തമിഴ്, തെലുങ്ക്, കന്നഡ ഭാഷകളിലായി ചിത്രം ഡബ്ബ് ചെയ്തുകഴിഞ്ഞു.മോഹന്‍ലാല്‍, സുനില്‍ ഷെട്ടി, പ്രഭു, അര്‍ജുന്‍, നെടുമുടി വേണു, ഇന്നസെന്റ്, സിദ്ധിഖ്, മുകേഷ്, രഞ്ജി പണിക്കര്‍, ഹരീഷ് പേരടി, സുരേഷ് കൃഷ്ണ, ബാബുരാജ്, ഗണേഷ്‌കുമാര്‍, മണിക്കുട്ടന്‍, അര്‍ജുന്‍ നന്ദകുമാര്‍, പ്രണവ് മോഹന്‍ലാല്‍, നന്ദു, കൃഷ്ണപ്രസാദ്, മാമുക്കോയ, സന്തോഷ് കീഴാറ്റൂര്‍, അശോക് ശെല്‍വന്‍, മഞ്ജു വാര്യര്‍, സുഹാസിനി, കീര്‍ത്തി സുരേഷ്, കല്യാണി…
