ദുല്‍ഖര്‍ സൽമാൻ വീണ്ടും ബോളിവുഡിലേക്ക്..ഇത്തവണ പാഡ്മാന്‍ സംവിധായകൻ ആര്‍ ബല്‍ക്കിയുടെ സംവിധാനം ചെയ്യുന്ന ചിത്രത്തിലൂടെയാണ് ദുല്‍ഖര്‍ വീണ്ടും ബോളിവുഡിലേക്ക് എത്തുന്നത്.പാ, ഷമിതാഭ്, കി ആന്‍ഡ് കാ തുടങ്ങിയവയാണ് ആര്‍ ബല്‍ക്കിയുടെ മറ്റു ചിത്രങ്ങൾ.
കര്‍വാന്‍, സോയ ഫാക്ടര്‍ എന്നീ ചിത്രങ്ങളിലാണ് ദുൽഖർ ഇതിന് മുമ്പ് അഭിനയിച്ചിട്ടുള്ളത്.ചിത്രത്തിന്‍റെ തിരക്കഥ ഇതിനകം പൂര്‍ത്തിയായിട്ടുണ്ടെന്നും പ്രീ-പ്രൊഡക്ഷന്‍ ഇതിനകം ആരംഭിച്ചുകഴിഞ്ഞെന്നും പിങ്ക് വില്ല റിപ്പോർട്ട് ചെയ്യുന്നു.
നിരവധി ചിത്രങ്ങളാണ് ദുല്‍ഖറിന്റെതായി അണിയറയില്‍ ഒരുങ്ങുന്നത്. ദുല്‍ഖര്‍ തന്നെ നിര്‍മ്മിച്ച് ശ്രീനാഥ് രാജേന്ദ്രന്‍ സംവിധാനം ചെയ്ത കുറുപ്പ്, തമിഴില്‍ ഒരുങ്ങുന്ന വാന്‍, റോഷന്‍ ആന്‍ഡ്രൂസ് – ബോബി സഞ്ജയ് കൂട്ടുകെട്ടില് ഒരുങ്ങുന്ന ചിത്രം എന്നിവയാണ് അണിയറയില്‍ ഒരുങ്ങുന്ന ദുല്‍ഖര്‍ ചിത്രങ്ങള്‍.
