ലോകേഷ് കനകരാജിന്റെ സംവിധാനത്തില്‍ കമല്‍ ഹാസനെ നായകനാക്കി ഒരുങ്ങുന്ന ‘വിക്രം’ സിനിമയില്‍ ഫഹദ് ഫാസില്‍ വില്ലന്‍ വേഷത്തില്‍ എത്തുന്നു. വെള്ളൈക്കാരന്‍, സൂപ്പര്‍ ഡീലക്‌സ് എന്നീ ചിത്രങ്ങള്‍ക്ക് ശേഷം ഫഹദ് ഫാസ്സില്‍ അഭിനയിക്കുന്ന മൂന്നാമത്തെ തമിഴ് ചിത്രമാണ് വിക്രം. അല്ലു അര്‍ജ്ജുന്‍ നായകനായ പുഷ്പ എന്ന തെലുങ്ക് ചിത്രത്തിലും ഫഹദ് ഫാസില്‍ വില്ലന്‍ വേഷത്തിലെത്തുന്നുണ്ട്.
സൂപ്പര്‍ ഹിറ്റായ കൈദിക്കും വിജയ് ചിത്രം മാസ്റ്ററിനും ശേഷം ലോകേഷ് കനകരാജ് സംവിധാനം ചെയ്യുന്ന ചിത്രമാണ് ‘വിക്രം’. കമല ഹാസന്റെ 232 -ാം ചിത്രമായ ‘വിക്രം’ നിർമിക്കുന്നത് കമലിന്റെ തന്നെ ഉടമസ്ഥതയിലുള്ള രാജ്കമല്‍ ഫിലിംസ് ഇന്റര്‍നാഷണലാണ്. ചിത്രവുമായി ബന്ധപ്പെട്ട മറ്റു വിവരങ്ങള്‍ ഉടന്‍ തന്നെ പ്രഖ്യാപിക്കും.
