ഇരുപത്തിയഞ്ചാമത് കേരള രാജ്യാന്തര ചലച്ചിത്രമേള2021 ഫെബ്രുവരി 12 മുതല്‍ 19 വരെയുള്ള തീയതികളില്‍ നടക്കും. മേളയിലേക്ക്ഷൈന്‍ ടോം ചാക്കോ, രജിഷ വിജയന്‍ എന്നിവർ പ്രധാന കഥാപാത്രങ്ങളെ അവതരിപ്പിക്കുന്നഖാലിദ് റഹ്മാന്‍ ചിത്രം ലവ് തെരഞ്ഞെടുത്തു. ആഷിക് ഉസ്മാന്‍നിര്‍മിക്കുന്ന ചിത്രത്തിൽ വീണ നന്ദകുമാര്‍, സുധി കോപ്പ, ഗോകുലന്‍, ജോണി ആന്റണി എന്നിവരും അഭിനയിക്കുന്നു.
എല്ലാവര്‍ഷവും ഡിസംബര്‍ മാസത്തില്‍ നടത്താറുള്ള മേള ഇത്തവണ കോവിഡ് കാരണം ആണ് അടുത്തവര്‍ഷത്തേക്ക് മാറ്റിയത്. എന്നാല്‍ ഫെബ്രുവരിയില്‍ സ്ഥിതി അനുസരിച്ച്‌ മേള നടത്തുകയെന്നും അധികൃതര്‍ അറിയിച്ചു. 2019 സെപ്റ്റംബര്‍ ഒന്നിനും 2020 ഓഗസ്റ്റ് 31നും ഇടയില്‍ പൂര്‍ത്തീകരിച്ച ചിത്രങ്ങള്‍ക്കാണ് മേളയില്‍ പങ്കെടുക്കാന്‍ അവസരം.
