കിച്ച സുദീപ് നായകനാകുന്ന വിക്രന്ത് റോണയുടെ ടൈറ്റില്‍ പോസ്റ്റര്‍ പുറത്തിറങ്ങി. ബുര്‍ജ് ഖലീഫയില്‍ ടൈറ്റില്‍ ലോഗോ റിലീസ് ചെയുന്ന ലോകത്തിലെ ആദ്യ സിനിമയാണ് വിക്രന്ത് റോണ.
ജനുവരി 31ന് ദുബായിയില്‍ വെച്ചാണ് ഇവന്റ് നടന്നത്. കിച്ച സുദീപിന്റെ സിനിമയില്‍ 25 വര്‍ഷം പൂര്‍ത്തിയാക്കുന്നതിന്റെ ആഘോഷം കൂടെ ആണ് ഇത്. ഇതിന്റെ ഭാഗമായി കിച്ച സുദീപിന്റെ 2000 അടി ഉയരമുള്ള വിര്‍ച്വല്‍ കട്ട് ഔട്ടും അവിടെ പ്രദര്‍ശിപ്പിച്ചു. ചിത്രത്തിന്റെ സ്നീക് പീക്കും പ്രദര്‍ശിപ്പിച്ചിരുന്നു.
5 ഭാഷകളിൽ പാൻ ഇൻഡ്യൻ റിലീസ് പദ്ധതിയിടുന്ന ഒരു ഫിക്ഷണൽ ത്രില്ലർ ആണ് ചിത്രം. 95 കോടി മുതൽമുടക്കിൽ ഒരുങ്ങുന്ന ചിത്രം കന്നട ഇൻഡസ്ട്രയിലെ തന്നെ ബിഗ് ബജറ്റഡ് ചിത്രങ്ങളിൽ ഒന്നാണ്. കൊവിഡ് പ്രതിസന്ധികൾക്കിടയിൽ ചിത്രീകരണം ആരംഭിച്ച ആദ്യ കന്നട ചിത്രം കൂടിയാണ് വിക്രാന്ത് റോണ.
അനൂപ് ഭണ്ഡാരി സംവിധാനം ചെയ്യുന്ന ചിത്രം ശാലിനി ആര്‍ട്സിന്റെ ബാനറിൽ ജാക്ക് മഞ്ചുനാഥ്, ശാലിനി മഞ്ജുനാഥ് എന്നിവർ ചേർന്ന് നിർമ്മിക്കുന്നു.
