2018ല്‍ പുറത്തിറങ്ങിയ സീറോ എന്ന ചിത്രത്തിന് ശേഷം ബിഗ് സ്ക്രീനില്‍ നിന്ന് വിട്ടുനില്‍ക്കുകയാണ് ബോളിവുഡിലെ കിങ് ഖാന്‍.ഇപ്പോളിതാ ‘എന്നാണ് തിരിച്ചുവരവ്’ എന്ന ചോദ്യത്തിന് മറുപടിയുമായി എത്തിയിരിക്കുകയാണ് താരം. .‘ഈ വര്‍ഷം നിങ്ങള്‍ക്ക് എന്ന ബിഗ് സ്ക്രീനില്‍ കാണാന്‍ സാധിക്കു’മെന്നാണ് ഷാരൂഖ് ട്വിറ്ററില്‍ പങ്കുവെച്ച വീഡിയോയിലൂടെ പറഞ്ഞത്. അപ്രതീക്ഷിതമായ പ്രഖ്യാപനം ആരാധകര്‍ക്ക് പുതുവത്സര സമ്മാനമായി.
വൈ.ആര്‍.എഫിന്റെ ബിഗ് ബഡ്ജറ്റ് ചിത്രത്തില്‍ ഷാരൂഖ് അഭിനയിച്ചു കൊണ്ടിരിക്കുകയാണെന്നാണ് റിപ്പോര്‍ട്ടുകള്‍. കൂടുതല്‍ നല്ല, കൂടുതല്‍ പ്രകാശം നിറഞ്ഞ, കൂടുതല്‍ മനോഹരമായൊരു വര്‍ഷമാണ് തന്റെ ട്വിറ്റര്‍ അക്കൗണ്ടില്‍ പങ്കുവച്ച വീഡിയോയിലൂടെ ഷാരൂഖ് നേര്‍ന്നത്. തന്റെ സ്വതസിദ്ധമായ ശൈലിയിലായിരുന്നു ഷാരൂഖിന്റെ വീഡിയോ. തന്റെ ടീം അവധിയിലായതിനാല്‍ താന്‍ തന്നെയാണ് വീഡിയോ ഷൂട്ട് ചെയ്തതും എഡിറ്റ് ചെയ്തതും അതുകൊണ്ടാണ് പോസ്റ്റ് ചെയ്യാന്‍ വൈകിയതെന്നും ഷാരൂഖ് വീഡിയോയില്‍ പറയുന്നുണ്ട്. വീഡിയോയ്ക്കിടെ ഈച്ചയെ ഓടിച്ചും തമാശ പറഞ്ഞും ഷാരൂഖ് ചിരിപടര്‍ത്തുന്നുണ്ട്. . വീഡിയോ സോഷ്യല്‍ മീഡിയ ഏറ്റെടുത്തിരിക്കുകയാണ്.
