ക്യാപ്റ്റന്‍’ എന്ന ചിത്രത്തിനുശേഷം പ്രജേഷ് സെനും ജയസൂര്യയും ഒന്നിക്കുന്ന ചിത്രമാണ് ‘വെള്ളം’. കോവിഡ് മൂലം റിലീസ് മാറ്റിവച്ച ചിത്രം ജനുവരി 22ന് പ്രദര്‍ശനത്തിന് എത്തുമെന്ന് അറിയിച്ചുകൊണ്ടുള്ള പോസ്റ്റർ സോഷ്യൽ മീഡിയയിലൂടെ ജയസൂര്യ പങ്കുവെച്ചു.
തീവണ്ടി, ലില്ല, കല്‍ക്കി, എടക്കാട് ബറ്റാലിയന്‍ എന്നീ ചിത്രങ്ങള്‍ക്ക് ശേഷം സംയുക്ത നായികയായി എത്തുന്ന ചിത്രം കൂടിയാണ് ‘വെള്ളം’.സിദ്ദിഖ് , ദിലീഷ് പോത്തന്‍ , സന്തോഷ് കീഴാറ്റൂര്‍ , അലന്‍സിയര്‍ ലേ ലോപ്പസ് , നിര്‍മ്മല്‍ പാലാഴി , സീനു സൈനുദീന്‍ , ബാബു അന്നൂര്‍ , വിജിലേഷ് , ഇടവേള ബാബു ,സ്നേഹാ പലേരി , പ്രിയങ്ക ശ്രീലക്ഷമി എന്നിവരടോപ്പം പുതുമുഖതാരങ്ങളും അഭിനയിക്കുന്നു.
ബി കെ ഹരിനാരായണന്റെ വരികള്‍ക്ക് ബിജിബാലാണ് ഈണം നൽകുന്നു.ജോസ്‌കുട്ടി മഠത്തില്‍, യദു കൃഷ്ണ, രഞ്ജിത്ത് മനമ്ബറക്കാട്ട് എന്നിവര്‍ ചേര്‍ന്നാണ് ചിത്രം നിര്‍മ്മിക്കുന്നത്.
