മോഹന്‍ലാല്‍ ചിത്രം ആറാട്ടിന്റെ പുതിയ പോസ്റ്റർ പുറത്തിറങ്ങി. കറുത്ത നിറത്തിലുള്ള ഫുള്‍ സ്ലീവ് ഷര്‍ട്ടും കറുത്ത കരയുള്ള ഡബിള്‍ മുണ്ടും ധരിച്ച്‌ കസേരയിലിരിക്കുന്ന മോഹന്‍ലാല്‍ ആണ് പോസ്റ്ററില്‍.മോഹന്‍ലാല്‍ തന്നെയാണ് ഫേസ്‌ബുക്ക് പേജിലൂടെ പോസ്റ്റര്‍ പുറത്തുവിട്ടത്.ബി. ഉണ്ണിക്കൃഷ്മന്‍ സംവിധാനം ചെയ്യുന്ന ചിത്രത്തില്‍ ‘നെയ്യാറ്റിന്‍കര ഗോപന്‍’ എന്ന കഥാപാത്രത്തെയാണ് മോഹന്‍ലാല്‍ അവതരിപ്പിക്കുന്നത്. ‘നെയ്യാറ്റിന്‍കര ഗോപന്റെ ആറാട്ട്’ എന്നാണ് ചിത്രത്തിന്റെ മുഴുവന്‍ ടൈറ്റില്‍.
ശ്രദ്ധ ശ്രീനാഥ് നായികയാവുന്ന ചിത്രത്തില്‍ നെടുമുടി വേണു, സായ് കുമാര്‍, സിദ്ദിഖ്, വിജയരാഘവന്‍, ജോണി ആന്‍റണി, ഇന്ദ്രന്‍സ്, നന്ദു, ഷീല, സ്വാസിക, മാളവിക, രചന നാരായണന്‍കുട്ടി തുടങ്ങി വലിയ താരനിരയും എത്തുന്നുണ്ട്.
ചിത്രം ബിഗ് ബജറ്റ് ചിത്രമാണെന്നും അതിനാല് തന്നെ സിനിമ തിയറ്ററിലായിരിക്കും റിലീസ് ചെയ്യുന്നതെന്നും സംവിധായകന്‍ ബി ഉണ്ണികൃഷ്ണനും തിരാക്കഥാകൃത്ത് ഉദയകൃഷ്ണനും പറയുന്നു.
