അന്ന ബെന്‍, റോഷന്‍ മാത്യു, ശ്രീനാഥ് ഭാസി എന്നിവര്‍ പ്രധാന കഥാപാത്രങ്ങളായി 2020ല്‍ എത്തിയ ചിത്രമായിരുന്നു നടന്‍ മുസ്തഫ സംവിധാനം ചെയ്ത കപ്പേള. കൊവിഡ് കാരണം തിയേറ്ററില്‍ നിന്നും പെട്ടെന്ന് പിന്‍വലിക്കേണ്ടി വന്ന ചിത്രത്തിന് പിന്നീട് നെറ്റ്ഫ്‌ലിക്‌സ് റിലീസിലൂടെ വളരെ സ്വീകാര്യതയാണ് ലഭിച്ചത്. ഇപ്പോഴിതാ പ്രേക്ഷക പ്രീതി നേടിയ ചിത്രത്തിന്റെ തെലുങ്ക് റീമേക്ക് ഒരുങ്ങുകയാണെന്നാണ് പുതിയ റിപ്പോട്ടുകള്‍.
തെലുങ്കില്‍ അന്ന ബെന്നിന്റെ റോളിലെത്തുന്നത് ബാലതാരമായി സിനിമയിലെത്തി പ്രേക്ഷക പ്രിയങ്കരിയായ അനിഖ സുരേന്ദ്രനാണ്. അനിഖ ആദ്യമായി നായികയായെത്തുന്ന ചിത്രമാകും ഇത്. മലയാളത്തില്‍ റോഷന്‍ മാത്യുവും, ശ്രീനാഥ് ഭാസിയും ചെയ്ത കഥാപാത്രങ്ങള്‍ തെലുങ്കില്‍ വിശ്വക് സെന്നും നവീന്‍ ചന്ദ്രയുമാകും ചെയ്യുകയെന്നും റിപ്പോര്‍ട്ട് ഉണ്ട്.
