നവാഗതനായ തരുണ്‍ മൂര്‍ത്തി എഴുതി സംവിധാനം ചെയ്ത്, ബാലു വര്‍ഗീസ്, ലുക്മാന്‍ ലുക്കു, വിനായകന്‍ എന്നിവരെ പ്രധാന കഥാപാത്രങ്ങളാക്കി ഒരുങ്ങുന്ന ചിത്രം ‘ഓപ്പറേഷന്‍ ജാവ’ റിലീസിനൊരുങ്ങുന്നു.
ഫെബ്രുവരി 12ാം തീയ്യതി ചിത്രം പ്രേക്ഷകരിലേക്കെത്തുമെന്ന് അറിയിച്ചു കൊണ്ടുള്ള പുതിയ പോസ്റ്റർ സോഷ്യൽ മീഡിയയിലൂടെ പുറത്ത് വിട്ടിരിക്കുകയാണ് അണിയറപ്രവർത്തകർ.ഒരു കുപ്രസിദ്ധ പയ്യൻ ഒരുക്കിയ വി സിനിമാസാണ് ഈ ചിത്രം ഒരുക്കുന്നത്.
ക്വീന്‍, പൊറിഞ്ചു മറിയം ജോസ് എന്നീ ചിത്രങ്ങള്‍ക്ക് സംഗീതം പകര്‍ന്ന ജെയ്ക് സ് ബിജോയ് ആണ് ചിത്രത്തിന് ഗാനങ്ങള്‍ ഒരുക്കുന്നത്. ഓപ്പറേഷന്‍ ജാവ സസ്പെന്‍സ് ത്രില്ലറായി ഒരുക്കിയിരിക്കുന്ന ചിത്രമാണ്. കേരള പൊലീസിലെ അണ്‍സങ് ഹീറോകളെ കുറിച്ചുള്ള കഥയാണ് സിനിമ പറയുന്നത്.
