സംവിധായകന്‍ പ്രശാന്ത് നീലിനൊപ്പം പ്രഭാസിന്റെ വരാനിരിക്കുന്ന ചിത്രം ‘സലാര്‍’ ന്റെ ഫസ്റ്റ് ലുക്ക് പോസ്റ്റര്‍ പുറത്തിറങ്ങി. കെജിഎഫ് എന്ന ഹിറ്റുമായി ശ്രദ്ധേയനായ പ്രശാന്ത് നീല്‍ സംവിധാനം ചെയ്യുന്ന ചിത്രം നിർമ്മിക്കുന്നത് കെജിഎഫ് നിർമാതാക്കളായ ഹോംബാലെ ഫിലിംസാണ് .കെജിഎഫ് ചാപ്റ്റര്‍ 2-ന്റെ ചിത്രീകരണം പൂര്‍ത്തിയാകാനിരിക്കെയാണ് പ്രശാന്ത് നീല്‍ എന്ന ഭാഗ്യ സംവിധായകന്റെ കീഴില്‍ തന്നെ മൂന്നാമത്തെ ചിത്രവും വിജയ് കിരാഗന്ദൂറിന്റെ ഉടമസ്ഥതയിലുള്ള ഹോംബാലെ ഫിലിംസ് പ്രഖ്യാപിച്ചിരിക്കുന്നത് എന്ന പ്രത്യേകതയുമുണ്ട്.
‘ഏറ്റവും ആക്രമണകാരിയായ മനുഷ്യന്‍’ എന്ന ടാഗ്‌ലൈനോടുകൂടി വന്ന ഫസ്റ്റ് ലുക്ക് പോസ്റ്ററിൽ തോക്കില്‍ കൈത്തണ്ട വെച്ചുള്ള ലുക്കാണ്.ഇതുവരെ ചെയ്തതില്‍ എറ്റവുമധികം വയലന്‍സുള്ള കഥാപാത്രമാണ് സലാറിലേതെന്ന് പ്രഭാസ് വ്യക്തമാക്കുന്നു. പാന്‍ ഇന്ത്യന്‍ സ്വീകാര്യത ലക്ഷ്യമിടുന്ന ചിത്രം മുൻപ് ചെയ്യാത്ത തരം കഥാപാത്രമായിരിക്കുമെന്നും പ്രഭാസ് പറയുന്നു.
2021 ജനുവരിയില്‍ ചിത്രീകരണം ആരംഭിക്കാനിരിക്കുന്ന സലാര്‍ പ്രഭാസിന്റെ ഇപ്പോള്‍ ചിത്രീകരണം നടക്കുന്ന രാധേ ശ്യാമിന് ശേഷം റിലീസ് ചെയ്യാനാണ് തീരുമാനിച്ചിരിക്കുന്നത്.പ്രഭാസ് ഇപ്പോള്‍ ഹൈദരാബാദില്‍ രാധെ ശ്യാമിന്റെ ചിത്രീകരണത്തിലാണ്. രാധാകൃഷ്ണ കുമാര്‍ സംവിധാനം ചെയ്യുന്ന ഈ ചിത്രം യൂറോപ്പിലെ ഒരു പീരിയഡ് ലവ് സ്റ്റോറിയാണ്. നാഗ്‌ അശ്വിന്റെ വരാനിരിക്കുന്ന ചിത്രത്തിന്റെ ഷൂട്ടിംഗിനും അദ്ദേഹം കാത്തിരിക്കുകയാണ്‌. ദീപിക പദുകോണ്‍ ആണ് അതില്‍ നായിക. ഓം കൗര്‍ സംവിധാനം ചെയ്യുന്ന ആദി പുരുഷ് എന്ന ചിറ്റാഹൃത്തില്‍ പ്രഭാസ് അമിതാബ് ബച്ചന്‍, സെയ്ഫ് അലി ഖാന്‍ എന്നിവരോടൊപ്പം അഭിനയിക്കും. ചിത്രം 2022 ഓഗസ്റ്റ് 11 ന് പ്രദര്‍ശനത്തിനെത്തുമെന്ന് കുറച്ച്‌ ദിവസങ്ങള്‍ക്ക് മുമ്ബ് പ്രഭാസ് പ്രഖ്യാപിച്ചിരുന്നു.
