മലര്‍വാടി ആര്‍ട്സ് ക്ലബ്ബ് എന്ന ചിത്രത്തിലൂടെ മലയാള സിനിമയില്‍ അരങ്ങേറ്റം കുറിച്ച നടനാണ് ദീപക് പറമ്പോൽ. ദീപക് പറമ്പോൽ ചിത്രത്തിൽ കാഴ്ച വെച്ച പ്രകടനം ഏറെ ശ്രദ്ധിക്കപ്പെട്ടിരുന്നു. ഇപ്പോഴിതാ ദീപക് കേന്ദ്രകഥാപാത്രമായ എത്തുന്ന ഏറ്റവും പുതിയ ചിത്രം ‘ദി ലാസ്റ്റ് ടു ഡെയ്സ്’ എന്ന് പേരിട്ടിരിക്കുന്ന ചിത്രത്തിന്റെ ഫസ്റ്റ് ലുക്ക് പോസ്റ്റര്‍ കഴിഞ്ഞ ദിവസം സോഷ്യല്‍ മീഡിയയിലൂടെ പുറത്ത് വിട്ടിരിക്കുകയാണ്.
സംതിങ് അൺ ഒഫിഷ്യൽ എന്ന ടാഗ് ലൈനോടു കൂടിയാണ് ‘ദി ലാസ്റ്റ് ടു ഡെയ്സ്’ ന്റെ പോസ്റ്റർ എത്തിയിരിക്കുന്നത്.സന്തോഷ് ലക്ഷ്മണനാണ് ചിത്രം എഴുതി സംവിധാനം ചെയ്തിരിക്കുന്നത്.ദീപക് പറമ്പോൽ, ധർമ്മജൻ ബോൾഗാട്ടി, നന്ദൻ ഉണ്ണി എന്നിവരാണ് ചിത്രത്തിലെ പ്രധാന കഥാപാത്രങ്ങളെ അവതരിപ്പിക്കുന്നത്.അരുണ്‍ രാജ് സംഗീത സംവിധാനം നിര്‍വഹിക്കുന്ന ചിത്രം നിർമിക്കുന്നത് സുരേഷ് നാരായണനാണ് .
