അസുരന്‍ സിനിമയുടെ റീമേക്കിന് പിന്നാലെ ലൂസിഫര്‍ സിനിമയുടെ തെലുങ്ക് റീമേക്കിലും മഞ്ജു വാര്യരുടെ അവതരിപ്പിച്ച വേഷത്തില്‍ പ്രിയാമണി എത്തുന്നു.
മോഹന്‍ ലാലിനെ നായകനാക്കി പൃഥ്വിരാജ് സുകുമാരന്‍ സംവിധാനം ചെയ്ത ബ്ലോക്ക് ബസ്റ്റര്‍ ചിത്രത്തിൽ മോഹന്‍ലാലിന്‍റെ കഥാപാത്രത്തെ അവതരിപ്പിക്കുന്നത് തെലുങ്കു സൂപ്പര്‍ സ്റ്റാര്‍ ചിരഞ്‍ജീവിയാണെന്ന് വ്യക്തമാക്കിയിരുന്നു.എന്നാല്‍, മഞ്ജുവാര്യരുടെ കഥാപാത്രമായ പ്രിയദര്‍ശനി രാമദാസിനെ അവതരി പ്പിക്കുന്നത് ആരെന്ന കാര്യത്തില്‍ ഇതുവരെ വ്യക്ത ഇല്ലായിരുന്നു. എന്നാല്‍, പ്രിയദര്‍ശനി രാമദാസിനെ അവതരിപ്പിക്കാന്‍ പ്രിയാമണി എത്തുന്നതായാണ് റിപ്പോര്‍ട്ട്.
സംവിധായകന്‍ മോഹന്‍രാജ ആണ് തെലുങ്ക് ലൂസിഫര്‍ ഒരുക്കുന്നത്.ചിരഞ്ജീവി 152-ാമത്തെ ചിത്രം ആചാര്യയുടെ ചിത്രീകരണം പൂര്‍ത്തിയാക്കി ലൂസിഫര്‍ റീമേക്കിന്റെ ഷൂട്ടിംഗ് ആരംഭിക്കും.
