ഇന്ത്യയില്‍ മാത്രമല്ല ഹോളിവുഡിലും ശ്രദ്ധേയയായ നടിയാണ് പ്രിയങ്ക ചോപ്ര. പ്രിയങ്ക ചോപ്ര അഭിനയിക്കുന്ന പുതിയ ഹോളിവുഡ് ചിത്രം ‘ടെക്സ്റ്റ് ഫോര്‍ യു’ യുടെ ഷൂട്ടിംഗ് പൂർത്തിയായി.
കര്‍ശനമായ ലോക്ക്ഡൗണ്‍ നടപടികള്‍ക്കിടയിലും ഇതെല്ലാം കൈകാര്യം ചെയ്തതിന് മുഴുവന്‍ ടീമിനും അവര്‍ നന്ദി പറഞ്ഞു. ഷൂട്ടിംഗിനായി കഴിഞ്ഞ കുറച്ച്‌ മാസങ്ങളായി നടി ലണ്ടനില്‍ കഴിയുകയാണ്.
‘ടെക്സ്റ്റ് ഫോര്‍ യു’ എന്ന ഹോളിവുഡ് ചിത്രം എഴുതിയതും സംവിധാനം ചെയ്തതും ജിം സ്ട്രൗസ് ആണ്, സോഫി ക്രാമറിന്റെ നോവലിനെ ആസ്പദമാക്കി ജര്‍മ്മന്‍ ഭാഷയിലുള്ള “എസ്‌എംഎസ് ഫര്‍ ഡിച്ച്‌” എന്ന സിനിമയുടെ ഇംഗ്ലീഷ് റീമേക്കാണ് ഈ ചിത്രം. ചലച്ചിത്ര – ടെലിവിഷന്‍ താരമായ സാം ഹ്യൂഗനും പ്രമുഖ കനേഡിയന്‍ ഗായികയായ സെലീന്‍ ഡിയോണും ‘ടെക്സ്റ്റ് ഫോര്‍ യു’ ലുണ്ട് .
