പ്രേഷകരുടെ പ്രിയപ്പെട്ട താരദമ്ബതിമാരാണ് ഇന്ദ്രജിത്തും പൂര്‍ണിമയും. സമൂഹമാധ്യമങ്ങളിലും സജീവമായ താരകുടുംബം തങ്ങളുടെ വിശേഷങ്ങള്‍ എല്ലാം പ്രേക്ഷകരുമായി പങ്കുവെക്കാറുണ്ട്. അടുത്തിടയിലായിരുന്നു ഇന്ദ്രജിത്തിന്റേയും പൂര്‍ണിമയുടെയും വിവാഹവാര്‍ഷികം. ഇരുവരും പരസ്പരം ആശംസ അറിയിക്കുകയും വാര്‍ഷിക ദിനം ആഘോഷിക്കുകയും ചെയ്യുന്ന ചിത്രങ്ങളും വീഡിയോയുമെല്ലാം സോഷ്യല്‍ മീഡിയയില്‍ തരംഗം സൃഷിടിച്ചിരുന്നു. ഇപ്പോഴിതാ ഇന്ദ്രജിത്തിന്റെ പിറന്നാള്‍ ദിനത്തില്‍ ആശംസയുമായി എത്തിയിരിക്കുകയാണ് പൂര്‍ണിമ.
ഇന്ദ്രജിത്തിന്റെ രസകരമായ വീഡിയോയുടെ രൂപത്തില്‍ പങ്കുവച്ചിരിക്കുന്നത്. വീട്ടില്‍ ഇരുന്ന് ഫോണില്‍ ആനിമല്‍ ഗെയിം രസിച്ച്‌ കാണുന്ന ഇന്ദ്രജിത്തിനെയാണ് വീഡിയോയില്‍ കാണാനാവുക. പലപ്പോഴായി ഷൂട്ട് ചെയ്ത വീഡിയോകളുടെ കൊളാഷ് ആണിത്. ഇന്ദ്രജിത്തിന് പിറന്നാള്‍ ആശംസകള്‍ നേര്‍ന്നുകൊണ്ടാണ് പൂര്‍ണിമ ഈ വീഡിയോ പങ്കുവച്ചിരിക്കുന്നത്. ഞങ്ങളുടെ ഹൃദയത്തിന്റെ രാജാവിന് ജന്മദിനാശംസകള്‍ എന്ന് പൂര്‍ണിമ കുറിക്കുന്നു.
ഇന്ന് പിറന്നാള്‍ ആഘോഷിക്കുന്ന തന്റെ ചേട്ടന് ആശംസ അറിയിച്ചുകൊണ്ട് അനിയന്‍ പങ്കുവെച്ചത് ക്യൂട്ട് മൊട്ട ചിത്രമാണ്. മലയാളികളുടെ പ്രിയങ്കരരായ പ‌ൃഥ്വിരാജും ഇന്ദ്രജിത്തുമാണ് ചിത്രത്തില്‍. ഹാപ്പി ബര്‍ത്ത്ഡേ ചേട്ടന് എന്ന അടിക്കുറിപ്പിലാണ് മനോഹരമായ ചിത്രം താരം പങ്കുവെച്ചത്. മൊട്ട തലയുമായി ചിരിച്ചിരിക്കുന്ന ക്യൂട്ട് പയ്യന്‍മാര്‍ ആരാധകരുടെ മനസു കീഴടക്കുകയാണ്.എന്നാല്‍ ഇതില്‍ ഏതാണ് പിറന്നാളുകാരന്‍ എന്നാണ് ആരാധകരുടെ സംശയം. രണ്ടുപേരും ഒരേപോലെയുണ്ടെന്നാണ് പലരുടേയും കമന്റ്. അച്ഛന്‍ സുകുമാരനെപ്പോലയാണെന്നും കമന്റുകള്‍ വരുന്നുണ്ട്. ആരാധകരും താരങ്ങളും ഉള്‍പ്പടെ നിരവധി പേരാണ് ഇന്ദ്രജിത്തിന് പിറന്നാള്‍ ആശംസകള്‍ അറിയിച്ചിരിക്കുന്നത്.
