കാളിദാസ കൃതിയായ അഭിജ്ഞാന ശാകുന്തളം വീണ്ടും സിനിമയാകുന്നു. ചിത്രത്തില്‍ സാമന്തയാണ് ശകുന്തളയായി വേഷമിടുന്നത്.അനുഷ്ക ഷെട്ടിയെ നായികയാക്കി രുദ്രമാദേവി എന്ന സൂപ്പര്‍ ഹിറ്റ് ഒരുക്കിയ ഗുണശേഖര്‍ ആണ് ശാകുന്തളം വീണ്ടും സിനിമയാക്കുന്നത്. തെലുങ്ക് ഭാഷയിലൊരുങ്ങുന്ന ചിത്രത്തിന്റെ മോഷന്‍ പോസ്റ്റര്‍ കഴിഞ്ഞ ദിവസം അണിയറ പ്രവര്‍ത്തകര്‍ പുറത്തു വിട്ടു.
ഒരു പാന്‍ ഇന്ത്യന്‍ സിനിമയായി ഒരുക്കുന്ന ചിത്രത്തിന് സംഗീതം നല്‍കുന്നത് മണി ശര്‍മയാണ്.ശകുന്തളയുടെ വീക്ഷണകോണില്‍ നിന്നും ദുഷ്യന്തന്റെയും ശകുന്തളയുടെയും പ്രണയകഥ അവതരിപ്പിക്കുന്ന ചിത്രമാകും ഇതെന്നാണ് സൂചന.
നയന്‍താര, വിജയ് സേതുപതി എന്നിവര്‍ ഒന്നിക്കുന്ന കാതുവാകുല രെണ്ടു കാതല്‍ എന്ന ചിത്രമാണ് സമാന്തയുടെതായി ഒരുങ്ങുന്നത്. വിഗ്നേശ് ശിവന്‍ ഒരുക്കുന്ന ചിത്രത്തിലെ രണ്ട് നായികമാരില്‍ ഒരാളാണ് സമാന്ത. ആമസോണ്‍ പ്രൈമിന്റെ ദ ഫാമിലി മാന്‍ സീസണ്‍ 2 വെബ് സീരിസാണ് താരത്തിന്റെതായി പുറത്തിറങ്ങാനിരിക്കുന്നത്.
