സൂര്യ നായകനായി ദീപാവലി റിലീസായി പുറത്തിറങ്ങിയ സൂരറൈ പോട്ര് മികച്ച ആരാധക പ്രശംസ നേടി മുന്നേറുന്നതിനിടെ സിനിമയെയും താരങ്ങളെയും പ്രശംസിച്ച്‌ നടി മഞ്ജു വാര്യര്‍.ഒടിടി പ്ലാറ്റ്ഫോമിലാണ് ചിത്രം റിലീസായത്.സൂര്യയുടെ കരിയറിലെ തന്നെ വലിയ വഴിത്തിരിവ് ആവുന്ന ചിത്രമെന്നാണ് പ്രേക്ഷകര്‍ ‘സൂരറൈ പോട്രി’നെ വിശേഷിപ്പിക്കുന്നത്. ഇതിനിടെയാണ് മലയാളികളുടെ ലേഡി സൂപ്പര്‍ സ്റ്റാര്‍ താരങ്ങളെയും അണിയറ പ്രവര്‍ത്തകരെയും വാനോളം പുകഴ്ത്തി രംഗത്ത് എത്തുന്നത്.
ചിത്രത്തിന്റെ സംവിധായക സുധ കൊങ്കാര, പ്രധാന കഥാപാത്രങ്ങളെ അവതരിപ്പിച്ച സൂര്യ, അപര്‍ണ ബാലമുരളി എന്നിവര്‍ക്കും ഒപ്പം ചിത്രത്തില്‍ ശ്രദ്ധേയ കഥാപാത്രത്തെ അഭിനയിച്ച മലയാളി അഭിനേത്രി ഉര്‍വശിക്കും മഞ്ജു വാര്യര്‍ അഭിനന്ദനം അറിയിച്ചിട്ടുണ്ട്.”എനിക്ക് ഏറ്റവും ഇഷ്ടപ്പെട്ടത്, എനിക്ക് ഏറ്റവും അഭിമാനം തോന്നിയത് ഉര്‍വശി ചേച്ചി,” ആണെന്നും മഞ്ജു വാര്യര്‍ ഇന്‍സ്റ്റഗ്രാം സ്റ്റോറിയില്‍ പറയുന്നു.ബഡ്ജറ്റ് ഏവിയേഷന്‍ അഥവാ ബഡ്ജറ് എയര്‍ ലൈനുകള്‍കള്‍ക്ക് ഇന്ത്യയില്‍ തുടക്കം കുറിച്ച ക്യാപ്റ്റന്‍ ഗോപിനാഥിന്റെ ജീവിതകഥയാണ് ചിത്രം പറയുന്നത്. സുധ കൊങ്കാര സംവിധാനം ചെയ്യുന്ന ചിത്രത്തില്‍ സൂര്യയ്ക്ക് ഒപ്പം അപര്‍ണ ബാലമുരളി, ഉര്‍വശി, മോഹന്‍ ബാബു, പരേഷ് റാവല്‍ എന്നിവരും പ്രധാന കഥാപാത്രങ്ങളെ അവതരിപ്പിക്കുന്നു.
