തമിഴ് സൂപ്പര്‍താരം സൂര്യയുടെ ഫിറ്റ്നസ് ട്രെയിനര്‍ നിര്‍മല്‍ നായര്‍ മലയാളത്തിലേക്ക് ചുവടുവയ്ക്കാനൊരുങ്ങുന്നു. നിവിൻ പോളി നായകനായി എത്തുന്ന പടവെട്ട്‌ എന്ന ബിഗ് ബഡ്ജറ്റ് ചിത്രത്തിലാണ് നിവിൻ പോളിയുടെ ഫിറ്റ്നസ് ട്രെയിനെർ ആയി നിർമ്മൽ നായർ എത്തുന്നത്.
നവാഗതനായ ലിജു കൃഷ്ണ തിരക്കഥ എഴുതി സംവിധാനം ചെയ്യുന്ന പടവെട്ടില്‍ നിവിന്‍ രണ്ട് ലുക്കിലാണ് എത്തുന്നത്.പടവെട്ടിനു വേണ്ടി ശരീര ഭാരം വർധിപ്പിച്ചു തടിയുള്ള ലുക്കിൽ നിവിൻ നേരത്തെ പ്രത്യക്ഷപ്പെടുകയും ആ ലുക്ക് ഏറെ ശ്രദ്ധ നേടുകയും ചെയ്തിരുന്നു. ഇനി പടവെട്ടിന്റെ അവസാന ഷെഡ്യൂളിന് വേണ്ടി ലുക്ക് മാറ്റാനായി ആണ് നിർമ്മൽ നായർ നിവിന്റെ ഒപ്പം ചേരുന്നത്. സൂര്യയുടെ ഏറ്റവും പുതിയ ചിത്രം സൂരറൈ പോട്ര് എന്ന ചിത്രത്തില്‍ സൂര്യയുടെ ഫിറ്റ്നസ് ട്രെയിനറായിരുന്നു നിര്‍മല്‍.
