മോഹിത് സൂരി സംവിധാനം ചെയ്യുന്ന ‘ഏക് വില്ലൻ റിട്ടേൺസ്’ -ന്റെ ഫസ്റ്റ് ലുക്ക് റിലീസ് ആയി. ജോൺ എബ്രഹാം, അർജുൻ കപൂർ, ദിഷ പട്ടാനി, താര സുതാരിയ എന്നിവർ കേന്ദ്ര കഥാപാത്രങ്ങളെ അവതരിപ്പിക്കുന്ന ചിത്രം അടുത്ത വർഷം ഫെബ്രുവരി 11 -ന് പ്രേക്ഷകർക്ക് മുന്നിലെത്തും. ഏക് വില്ലൻ റിട്ടേൺസ് ഇൻ ത്രീ സിക്സ്റ്റി ഫൈവ് ഡേയ്സ് എന്ന ക്യാപ്ഷൻ ആണ് ഫസ്റ്റ് ലുക്കിൽ കാണാൻ സാധിക്കുന്നത്. ജോൺ എബ്രഹാം തന്നെയാണ് തന്റെ ട്വിറ്റർ അക്കൗണ്ടിലൂടെ പോസ്റ്റർ റിലീസ് ചെയ്തത്.
സിദ്ധാർഥ് മൽഹോത്ര’ ‘ശ്രദ്ധ കപൂർ’ ‘റിതിയേഷ്‌ ദേശ്മുഖ്’ എന്നിവരെ പ്രധാനകഥാപാത്രങ്ങളാക്കി ‘മോഹിത് സൂരി’ സംവിധാനം ചെയ്ത് 2014ൽ പുറത്തിറങ്ങിയ “ഏക് വില്ലൻ” എന്ന ചിത്രത്തിന്റെ തുടർച്ചയാണ് ‘ഏക് വില്ലൻ റിട്ടേൺസ്’.ഏക് വില്ലന് തനിക്ക് ലഭിച്ച സ്വീകാര്യതയും സ്നേഹവും ഇരട്ടിയായി തന്നെ ചിത്രത്തിന്റെ രണ്ടാം ഭാഗത്തിനും ലഭിക്കും എന്ന് ഉറപ്പുണ്ടെന്ന് സംവിധായകനായ മോഹിത് വ്യക്തമാക്കി.’ ചിത്രം പ്രേക്ഷകർക്ക് ഒരു ത്രില്ലിംഗ് റോളർകോസ്റ്റർ റൈഡ് തന്നെയായിരിക്കും എന്നും മോഹിത് കൂട്ടിച്ചേർത്തു. ജോൺ എബ്രഹാമും താരയും ആദ്യമായി മോഹിതിനോടൊപ്പം ഒന്നിക്കുന്ന ചിത്രം കൂടിയാണ് ‘ഏക് വില്ലൻ റിട്ടേൺസ്’. ചിത്രത്തെ കുറിച്ചുള്ള കൂടുതൽ വിവരങ്ങൾ വരും ദിവസങ്ങളിൽ പുറത്തു വരുമെന്ന് പ്രതീക്ഷിക്കാം.
