‘പറവ’ എന്ന ചിത്രത്തിലൂടെ ഏറേ ശ്രദ്ധേരായ അമല്‍ ഷാ, ഗോവിന്ദ പൈ, മങ്കിപ്പെന്‍ ഫെയിം ഗൗരവ് മേനോന്‍, നൂറ്റിയൊന്ന് ചോദ്യങ്ങള്‍ ഫെയിം മിനോന്‍ എന്നിവരെ പ്രധാന കഥാപാത്രങ്ങളാക്കി സുനില്‍ ഹനീഫ് സംവിധാനം ചെയ്യുന്ന ‘ഫോര്‍’ എന്ന ചിത്രത്തിന്റെ ഫസ്റ്റ് ലുക്ക് പോസ്റ്റര്‍ റിലീസായി. തങ്ങളുടെ ഫേയ്‌സ് ബുക്ക് പേജിലൂടെ മഞ്ജു വാര്യര്‍, ഫഹദ് ഫാസില്‍, സൂരാജ് വെഞ്ഞാറമൂട്, ഉണ്ണി മുകുന്ദന്‍, അജു വര്‍ഗ്ഗീസ് തുടങ്ങിയവര്‍ ആണ് പോസ്റ്റര്‍ പുറത്തിറക്കിയിരിക്കുന്നത്.
ചിത്രത്തില്‍ മമിത ബെെജു, ഗോപികാ രമേശ് എന്നിവരാണ് നായികമാരായെത്തുന്നത്. ബ്ലൂം ഇന്‍റര്‍ നാഷണലിന്‍റെ ബാനറില്‍ വേണു ഗോപാലകൃഷ്ണനാണ് ചിത്രം നിര്‍മ്മിക്കുന്നത്. സിദ്ധിഖ്, ജോണി ആന്‍റണി, സുരേഷ് കൃഷ്ണ, അലന്‍സിയര്‍, സാധിക, പ്രശാന്ത് അലക്‌സാണ്ടര്‍, സ്മിനു, ഷൈനി സാറ തുടങ്ങിയവരാണ് ചിത്രത്തിലെ മറ്റു താരങ്ങള്‍. വിധു ശങ്കര്‍, വെെശാഖ് എന്നിവര്‍ ചേര്‍ന്ന് തിരക്കഥയും സംഭാഷണമെഴുതുന്ന സിനിമയുടെ ഛായാഗ്രഹണം പ്രകാശ് വേലായുധന്‍ നിര്‍വ്വഹിക്കുന്നു. ബി കെ ഹരിനാരായണന്‍, സന്തോഷ് വര്‍മ്മ എന്നിവരുടെ വരികള്‍ക്ക് ബിജിബാല്‍ സംഗീതം നല്‍കുന്നു.
