ഡെയിലി സ്‌കിൽസിന്റെ ബാനറിൽ, പിങ്ക്സ് വിശ്വൽ സ്പേസ് ന്റെയും, E=MC2 ന്റെയും സഹകരണത്തോടെ, സുബിലാൽ. K നിർമിച്ചു അനിൽ ചിത്രു രചനയും സംവിധാനവും ചെയ്യുന്ന മ്യൂസിക്കൽ മിനി മൂവി `സിനിമ´ പ്രദർശനത്തിനൊരുങ്ങുന്നു.
കോവിഡ് കാലത്തു അടഞ്ഞു കിടന്നിരുന്ന നോർത്ത് പറവൂർ ഷഫാസ് തിയേറ്ററിനുള്ളിലാണ് 24 മിനിറ്റുള്ള ഈ ചിത്രത്തിന്റെ ഭൂരിഭാഗവും ചിത്രീകരിച്ചിരിക്കുന്നത്.ഒരു കൂട്ടം സിനിമ മോഹികളുടെ സിനിമ ചിത്രീകരണവും, നിഗൂഢമായ ഒരു ബംഗ്ലാവിനെ ചുറ്റിപറ്റിയുള്ള കഥകളുമാണ് സംഗീതത്തിന് പ്രാധാന്യം നൽകികൊണ്ടുള്ള `സിനിമ´യുടെ ഇതിവൃത്തം.
ക്യാമറ അനീഷ്‌ ബാബു അബ്ബാസ്, എഡിറ്റർ ജോവിൻ ജോൺ, ഗാനരചന എ പി അനിൽകുമാർ,സംഗീതം രാകേഷ് കേശവൻ, ആർട്ട്‌ ശ്രീകുമാർ കരീകോട്, സൗണ്ട് ഡിസൈനർ കരുൺ പ്രസാദ്, മേക്കപ്പ് രതീഷ് കൃഷ്ണ.ഒരു കൂട്ടം പുതുമുഖങ്ങളോടൊപ്പം ഇതിലെ എല്ലാ ടെക്‌നിഷ്യന്മാരും ഇതിൽ അഭിനയിച്ചിരിക്കുന്നു.പുതിയ ഒ ടി ടി പ്ലാറ്റ്‌ഫോം ആയ ഹൈഹോപ്സ് എന്റെർറ്റൈന്മെന്റ്സ് ലുടെ ജനുവരി 10 ന് `സിനിമ’ റിലീസ് ചെയ്യും.
